இருக்கு...(சில நல்ல எழுத்துக்களால் ஆன கெட்ட வார்த்தைகள்)

'ந.முத்து'-வின் (நா.முத்துக்குமார் அல்ல) "இருக்கு" கவிதை குறுநூல்.. படித்து நீண்ட நாட்களாகியும், அதற்கொரு முக்கியத்துவம் தரவேண்டி நட்சத்திர வாரத்தில்தான் வலையேற்ற வேண்டும் என்று நினைத்திருந்தேன்.

பலர் படித்திருக்கக்கூடும்.. படிக்காத சிலருக்காக...

சில கவிதைகள்.

(நான் எழுதுற 'ஒன்னுக்குக் கீழ ஒன்னு' மாதிரி இல்லாம, உண்மையிலேயே கவிதைதாங்க இது!)

இருக்கு...

(சில நல்ல எழுத்துக்களால் ஆன கெட்ட வார்த்தைகள்)

நீங்கெல்லாம்
சேத்துல கையை
வச்சாத்தா
நாங்கெல்லாம்
சோத்துல கையை
வைக்க முடியும்னு
சொல்லுறான்
கூத்துல பொறந்தவன்.
எலேய்!
சேத்துல
கைய வச்சதால
எங்க கையெல்லாம்
எரிஞ்சுகிட்டிருக்கு
சூத்துல
கைய வச்சதால
உங்க கையெல்லாம்
சொறிஞ்சிகிட்டிருக்கு
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

ஒரு துளி வியர்வைக்கு
ஒரு பவுன் தங்கக் காசு
கொடுத்தது
தமிழல்லவா...
-திரைப்படப் பாடல்

எட்டுவயசுப் புள்ள
ஒட்டுன தீப் பெட்டில
ஒண்ணு, ரெண்டு
ஒழுங்கா ஒட்டலைனு
ஒருநா(ள்) கூலிய
புடுச்சிட்டுத் தர்ரானுக
கூறுகெட்ட கூ....யானுக
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

குண்டி காய்ஞ்சு
கிடக்கிற ஊருக்குள்ள
எண்ணெக் கிணறு தவிர
எல்லா இடத்திலேயும்
குண்டப் போடுறானுகளேன்னு
நா பொலம்புறத கேட்டு
அப்பாத்தா சொன்னா

"இவனுகளத்தா நம்மூர்ல
பொனம் விழுந்த ஊட்டுலயும்
பொம்பளைக்கு அலையறவுனு
சொல்லுவாங்க"
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

கட்டுன பொண்டாட்டிய
காசுக்காக
கண்டவன்கிட்ட உட்டுட்டு
அப்புறம்
அரிப்பெடுக்கறப்போ
காசு கொடுத்து
போன கதையா இருக்கு
அரசாங்க சொத்த
அடுத்தவனுக்கு விக்கிறதும்
அவன்கிட்டேயே
கடன் கேட்கிறதும்
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

குளித்துவிட்டு
கோயிலுக்குள்
வரச் சொல்லியிருக்கிறாய்
சரி
எங்களையும்
விடச்சொல்
எல்லோரும்
குளிக்கிற
குளத்தில்
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

தங்கச்சி குளிக்க
தடுக்கு கட்டவக்கில்ல
தாயோளி
செங்கல்ல தூக்கிட்டு
போறான்
கோயில் கட்ட
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

குருடன் பார்க்கிறான்
செவுடன் கேட்கிறான்
முடவன் நடக்கிறான்
அரவாணி புள்ளை பெக்கிறான்

பிரார்த்தனை
கூட்டத்திற்குப்
போக முடியாமல்
மூட்டு வலியால்
படுத்திருக்கிறார்
போப்பாண்டவர்

(எனது குறிப்பு: இதில் ஊனமுற்றவர்களையோ, மூன்றாம் பாலினரையோ ஏகடியம் பேசும் நோக்கம் இல்லை.. மூட நம்பிக்கையை சாடுவதே இதன் நோக்கம் என்றே நான் கருதுகிறேன். தவறான புரிதலுக்கு இடம் கொடுக்க வேண்டாம்)
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

மாதவிலக்கின்
மஞ்சள் துணி மேல்
விந்துக்கறை போல்
உந்தன்
கவிதை.
எந்தப் பயனும்
இல்லாமல்.
(குறிப்பு: உன் அரிப்புத் தீர்ந்திருக்கும்)
வாழ்வானுபவக் கவிகளுக்கு...
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

உனக்கு சொரணை
இருக்கிறதா?
என்று கேட்டுவிட்டான்.
இருக்கிறது என்று
சொல்ல முடிவதில்லை.
எல்லாவற்றையும் பார்த்து
கவிதை மட்டுமே
எழுதிக் கொண்டிருப்பதால்.

நன்றி:
ந.முத்து
63, பொன்னி நகர்,
கோவை-37

ஓவியம்: குமரகுரு
உரிமை: வாங்கியவருக்கு.
(அதனால் தான் தைரியமாக வலையேற்றினேன்)
சனவரி 2003 ; விலை: ரூ.5/-

கருத்துகள்

- யெஸ்.பாலபாரதி இவ்வாறு கூறியுள்ளார்…

http://piditthathu.blogspot.com/2005/12/blog-post.html

தம்பி மேற்காணும் சுட்டியை சொடுக்கிப் பார்க்கவும். எப்படி ரெண்டு பேரும் கிட்டத்தட்ட ஒரே வேலையை செய்திருக்கிறோம்...?!

11:23 PM

- யெஸ்.பாலபாரதி இவ்வாறு கூறியுள்ளார்…

சொல்ல மறந்த இன்னொரு முக்கியமான விசயம்.. இந்த முத்து என நெருக்கிய தோழன்.

11:24 PM

cheena (சீனா) இவ்வாறு கூறியுள்ளார்…

யதார்த்தமான கவிதை. நாட்டில் நடக்கும் நிகழ்ச்சிகளை எளியவர்களின் வெள்ளந்தியான வார்த்தைகளில் கவிதையாக வடித்திருப்பது பாராட்டத்தக்கது. நிகழ்வுகளைச் சாடும் வார்த்தைகளுக்கு வலிமை அதிகம்.(கெட்ட வார்த்தை என்பது மனிதனுக்கு மனிதன் வேறுபடும்).

//மாதவிலக்கின்
மஞ்சள் துணி மேல்
விந்துக்கறை போல்
உந்தன்
கவிதை.
எந்தப் பயனும்
இல்லாமல்.
(குறிப்பு: உன் அரிப்புத் தீர்ந்திருக்கும்)//

கவிதை எனில் ஏதேனும் தாக்கத்தை ஏற்படுத்த வேண்டும் என்பது அழகாக விளக்கப் பட்டுள்ளது.

7:30 AM

nagoreismail இவ்வாறு கூறியுள்ளார்…

சமுதாய அவலங்களை கடுமையாக சாடி இருக்கிறார் - படித்தவுடன் 'மாதவிலக்கின்..' என்று ஆரம்பிக்கும் கவிதையை போலில்லாமல் பலன் இருக்கும் என்று நினைக்கிறேன் - நாகூர் இஸ்மாயில்

8:28 AM

குசும்பன் இவ்வாறு கூறியுள்ளார்…

"தங்கச்சி குளிக்க
தடுக்கு கட்டவக்கில்ல
தாயோளி
செங்கல்ல தூக்கிட்டு
போறான்
கோயில் கட்ட"

எப்பங்க கோயில் கட்டி இருக்கோம், இடிச்சுதானே இருக்கோம்:)
ஒருவேளை குஷ்பு கோயிலை சொல்லி இருப்பாரோ!

அனைத்தும் மிக அருமையாக இருக்கு.

10:06 AM