முதன்மை உள்ளடக்கத்திற்குச் செல்

அமிதாப்-பிடம் பாடம் கற்க வேண்டிய ரஜினி!

"அமிதாப்-பை விஞ்சிவிட்டார் ரஜினி...!"

"ரஜினிக்குத் தான் இந்தியாவில் அதிக ஆதரவு"

என்றெல்லாம் ஊடகங்கள் ஊதிப் பெரிதாக்கிக் கொண்டிருந்த வேளையில் வெளிவந்தது அமிதாப் நடித்த 'சீனி கம்' திரைப்படம். வழக்கமாக இந்திப் படங்கள் அதிகம் பார்க்காத நானும் இளையராஜாவின் இசை.. அதுவும்.. ராஜா இசையமைத்த பழைய தமிழ்ப் பாடல்களின் 'ரீமிக்ஸ்' பாடல்களை ராஜாவே செய்திருக்கிறார் என்றதும் ஆர்வம் பொங்கியது...

"விழியிலே..." பாடலையும், "மன்றம் வந்த தென்றலுக்கு..." பாடலையும் திரும்பக் கேட்கப் போகிறோம் என்று ஒரு ஆர்வம் வேறு..ராஜா தனது பழைய பாடல்களையே இன்றைய ஸ்டீரியோ மற்றும் துல்லிய இசையில் கேட்கவேண்டும்; அதையும் ராஜாவே செய்ய வேண்டும் என்று அடிக்கடி நான் சொல்லிக் கொண்டிருப்பேன். என் ஆசை நிறைவேறியது என்ற மகிழ்ச்சி வேறு.

மொழி புரிகிறதோ இல்லையோ இசையை திரையரங்கில் கேட்டுவிட வேண்டுமென்று ஆவல் ஒருபக்கம் என்றால் 'Sugar Free Romance' என்ற அழகான சொல்லாடல் ஏற்படுத்திய ஆர்வம் ஒருபக்கம்.

ஒரு வழியாக ஈகாவுக்கு படம் பார்க்கக் கிளம்பினோம்... நான், தம்பி புருனோ, தோழன் வெற்றிமணி (கொஞ்சம் ஹிந்தி புரியக் கூடியவர்) மூவரும்!படம் இயக்கிய பால்கி, ஒளிப்பதிவாளர் பி.சி.சிறீராம், இசையமைப்பாளர் மூவரும் தமிழ்நாட்டைச் சேர்ந்தவர்கள்.

இங்கிலாந்தில் ரெஸ்டோரெண்ட் நடத்தி வரும் தலைமை chef (பழைய கபில்தேவ் குடுமி வைத்த)அமிதாப் திருமணமாகாத அறுபதின்மர். அவரது தாய், பக்கத்து வீட்டில் அமிதாப்-ன் செல்லமாக கேன்சரால் பாதிக்கப்பட்ட சிறுமி, கடையில் பணியாற்றும் நபர்களிடம் கறாராக நடந்துகொள்ளும் தலைவர் என்று போகிறது அமிதாப்-ன் வாழ்க்கை.
'புலாவ்' சாப்பிட வந்து சுவை பற்றி இங்கிலாந்துக்கு வந்திருக்கும் தபு அடிக்கும் கமெண்ட்-ல் கடுப்பாகிப் பேசும் மோதலில் தொடங்குகிறது 65 வயது அமிதாப், 35 வயது தபு நட்பு. அது கொஞ்சம் கொஞ்சமாக காதலாக மாறி, மெல்ல அதை அமிதாப்பின் அம்மாவிடமும் சொல்லிவிட்டு திருமணம் செய்ய உறுதி எடுக்கிறார்கள்.

இந்தியாவில் இருக்கும் தன் தந்தையிடம் அனுமதி வாங்க அமிதாப்பை இந்தியா அழைக்கிறார் தபு! அமிதாப்-பை அவர் ஒரு ரிட்டையர்டு ஆளாகவே பார்ப்பதும், குடும்பம் குழந்தைகள் பற்றி விசாரிப்பதும் நெளிய வைக்கிறது இருவரையும்! தன்னை விட மூத்தவரான அமிதாப்பை தனது மகளுக்கு மணம் முடிக்க ஒப்புவாரா தந்தை.. அவர் காந்தீய வழியில் முரண்டு பிடிக்க... பதிலுக்கு தபு முரண்டுபிடித்து ஒருவழியாக ஒப்புக் கொள்கிறார் திருமணத்திற்கு..

இந்த வேளையில் வழக்கம்போல் இங்கிலாந்தில் சிறுமி இறந்துவிடுகிறார். இணைகிறார்கள் இருவரும். ஆங்காங்கே பழைய காட்சிகளை நினைவுபடுத்தினாலும் சில காட்சிகள் சுவையானவை. வேலை நேரத்தில் செல்போன் அடித்தால் பிறரைத் திட்டும் அமிதாப்-புக்கு தபு போன் செய்து விட, அலறும் செல்பேசியை எடுக்கத் தேடும் காட்சி, தடுமாறித் தடுமாறி ஆணுறை கேட்கும் காட்சி, தபு சொல்லியதற்காக மூச்சுப் பிடித்து ஓடும் காட்சி என ரசிக்க வைக்கிறார் அமிதாப். படத்தையும் நன்கு ரசிக்கலாம்.

சரி, அமிதாப்பிடம் பாடம் கற்க வேண்டும் ரஜினி-னு சொன்னேனே... வேறென்ன வயதுக்கேற்ற கதாபாத்திரங்களைத் தேர்ந்தெடுத்து நடிப்பது எப்படி என்பதைத் தான்!

பின் குறிப்பு: சன் தொலைக்காட்சியில், "பாரதிராஆஆஜா வாஆஆரம்" வந்தபோது அறிவிப்பாளர் 'தூரன்கந்தசாமி' அறிவித்தார் முதுமைக் காதலை அழகாய்ச் சொன்ன 'முதல் மரியாதை' என்று! அதுமாதிரி இந்தப் படமும் ஒரு முதுமைக் காதல்னு எடுத்துக்கிட்டாலும், பெண்களின் முதுமைக்காதல் இங்கே இவ்வளவு அழகாக சொல்லப்படவில்லை. அப்படி நான் திரைப்படவிழாவில் பார்த்த திரைப்படம் ஒன்று இருக்கிறது. குறிப்புகளோடு விரைவில் எழுதுகிறேன்.
அதுவரை சீனிகம்-இல் இளையராஜாவின் இனிய இசையைக் கேட்க.
பதிவிறக்கம் செய்ய....
Baatein Hawaa (குழலூதும் கண்ணனுக்கு)
Baatein Hawaa (குழலூதும் கண்ணனுக்கு)
Cheenikum (மன்றம் வந்த...)
Jaane Do Na (விழியிலே...)
Sooni sooni (மன்றம் வந்த...)

கருத்துகள்

வவ்வால் இவ்வாறு கூறியுள்ளார்…
எப்படிங்க இப்படிலாம் ஒப்பீடு செய்ரிங்க,

அமிதாப் ரஜினியை விட மூத்தவர், மேலும் அமிதாப் ரீ எண்ட்ரி செய்த பிறகு தான் வயதுக்கு ஏற்ற வேடம் என மாறினார்(வேற எதுவும் தறலை) ரஜினி நடித்த பாஷா படத்தை இந்தியில் லால் பாஷா என்று அதே போல இளம் ஹீரோ போலத்தான் நடித்தார் அமிதாப்.

இன்னும் சில வருடங்களில் நடிப்பதை நிறுத்திவிடுவார் ரஜினி, தற்போது கூட அதிக இடைவேளை விடக்காரணமே இதோடு போதும் என்று அவர் நினைப்பதால் தான், ஆனால் அவர் நண்பர்கள் மீண்டும் நடிக்க வைத்து விடுகிறார்கள்.

ஒரு வேளை அமிதாப் எந்த வயதில் அப்படி மாறினாரோ அதே வயதில் இவரும் அப்படி மாறிக்கொள்வாரோ என்னமோ!

அமிதாப்பிற்கு அப்படி பட்ட வாய்ப்பு இல்லை, ரஜினிக்கு வாய்ப்பு உள்ளது என்பதையு கவனத்தில் கொள்ளவேண்டும்!
PRINCENRSAMA இவ்வாறு கூறியுள்ளார்…
ரஜினி என்கிற நடிக்க்த் தெரிந்த நடிகனை சூப்பர் ஸ்டார் பட்டம்கட்டி வீணடிக்கிறோம் என்பதை கருத்தில் கொள்ளுங்கள் வவ்வால்!
பொன்வண்டு இவ்வாறு கூறியுள்ளார்…
பிரின்ஸ், சீனி கம் பாடல்கள் குறித்து நான் ஏற்கனவே ஒரு பதிவிட்டிருக்கிறேன். இன்னும் படம் பார்க்கவில்லை.

http://ponvandu.blogspot.com/2007/06/cheeni-kum.html
பெயரில்லா இவ்வாறு கூறியுள்ளார்…
Nanbar Vavval,

Rajini's Basha is the remake of Amithab's HUM and NOT otherwise. Infact, rajini played the inspector brother role in the Hindi version.

Amithab handled aging very decently after the arrival of his son. Our heroes after becoming grandparents, still continue to expose and exploit teen age heroines.

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

எச்சரிக்கிறான் சரவணன்!

எச்சரிக்கிறான்
சரவணன்!
இது செய்யத்
துணிந்தவர்கள்...
எதுவும் செய்யத்
துணிவார்கள்!

உயர்கல்விக்கு
நுழையும் போதே
மருத்துவரின்
உயிரை உறிஞ்சுகின்றன
ஊசிகள்!



எச்சரிக்கிறான்
சரவணன்!
இந்தியாவெங்கும்
சென்று பிணமாகத்
தயாரானால்
எழுதுங்கள்
நீட் தேர்வு!

முனைவராகும் முன்னே
முறிக்கப்படும்
ஆய்வு இறக்கைகள்!
கேட்காமலே இட ஒதுக்கீடு
வேமுலாவுக்கு அடுத்து
இடுகாட்டில்!

'என் சாவுக்கு யாரும் காரணமில்லை'
என்ற கடைசி வரிகளோடு
'யுவர்ஸ் சின்சியர்லி'க்குப் பிறகு
பெயர் சேர்க்க வசதியாய்
அய்.அய்.டி.களில் கிடைக்கின்றன
கடித நகல்கள்!

இழுத்தடிக்கும் பூணூல்களிடமிருந்து
விடுபட
சென்ட்ரல் யுனிவர்சிட்டி
கேம்பஸ் ஸ்டோர்களில்
குறைந்த விலையில்
தூக்குக் கயிறுகள்!

உயர்குடிக்கே
உயர்கல்வி !
பிறர் நுழைந்தால்
'உயிர்' குடிக்கும்
என்பதறிக!

பனியன் தைக்க
ஊசியெடுப்பவன் பிள்ளைக்கு
உயர் மருத்துவனாகி
ஊசியெடுக்க
ஆசையா?

தூண்டியது
நடக்காவிட்டால்
தூண்டியவர்களே
ஆயுதம்
தூக்குவார்கள்!
நூலிய சிந்தனை
தூக்கத் தொடங்கியிருக்கிறது
ஊசிகளை!

நூலியம்
பதறுகிறது...
கடிதத்தில்
கையெழுத்திடவும்
கணம் தரமுடியாது.

எச்சரிக்கிறான்
சரவணன்!
நூல்கள்
அ…

ஜெயா தொலைக்காட்சிக்கு என் இரங்கல்!

ஜெயா தொலைக்காட்சியில் மூடிக் கிடக்கும் போயஸ் தோட்டத்தின் கதவுகளைக் காட்டியபடி, முதலமைச்சரின் மறைவுச் செய்தி ஒளிபரப்பப்பட்டு வருகிறது. ஆம்... ஜெயா தொலைக்காட்சிக்கு இப்போது மட்டுமல்ல, எப்போதும் அவர் தான் முதலமைச்சர்.


அது காலம் முழுக்க ஜெயலலிதா அம்மையாரின் சிறப்புகளைச் சொல்வதற்காகவே உருவாக்கப்பட்டு செயல்பட்டு வரும் தொலைக்காட்சி. தேர்தல் தோல்வி என்றால் கூட அடுத்த சில நிமிடங்களில் தேர்தல் செய்திகள் கூட அதில் வராது. முதலமைச்சர் பதவி இல்லையென்றாலும் அதற்கு ஜெயலலிதா தான் முதல்வர். "மக்கள் முதல்வர்" என்ற பெயரை உருவாக்கிக் கொடுத்ததும் அதுதான்.

ஜெயலலிதா மீண்டும் ஜெயித்த போது இரட்டிப்பு போனசெல்லாம் வழங்கி மகிழ்ந்திருக்கிறார். பணியாற்றிய அனைவருக்கும், பதவி வேறுபாடற்று ஒரு லட்சம் ரூபாய் போனஸ் வழங்கியெல்லாம் கூட கொண்டாடியிருப்பதாகக் கேள்விப்பட்டிருக்கிறேன்.

அதிமுக என்ற கட்சியினுடையது என்றெல்லாம் அந்தத் தொலைக்காட்சியைச் சொல்ல முடியுமா என்று தெரியவில்லை. பிற கட்சி ஊடகங்களைப் போல, அதன் இரண்டாம் கட்ட, வருங்காலத் தலைவர்களுக்கெல்லாம் முக்கியத்துவம் தராதது. அது முற்றும் முழுதாக ஜெயலலிதா அவர்களின…