முதன்மை உள்ளடக்கத்திற்குச் செல்

ஜீவா மரணம் - "ஓ! மனமே!"

தமிழ்த் திரையுலகில் தனக்கென ஒரு பாணியை வகுத்துக் கொண்டு, தனிக்கவனம் பெற்று வந்த ஒளிப்பதிவாளரும், இயக்குநருமான ஜீவா அவர்கள், தனது 'தாம்தூம்' படப் பிடிப்பின் முடிவில் ருஷ்யாவில் மாரடைப்பால் இறந்தார் என்ற செய்தி வந்துள்ளது. திடீரென வந்த இச்செய்தியை, ஒலிபரப்பிய சூரியன் பண்பலை தொடர்ந்து அவரது படமான 'உள்ளம் கேட்குமே'வில் இருந்து "ஓ மனமே!" பாடலையும் ஒலிபரப்பியது. எனது செல்பேசியில் கடந்து வந்த காலங்களை, நண்பர்களூடன், குடும்பத்துடன் இருந்த தருணங்களைத் திரும்பப் பெற முடியாத நேரங்களில், கேட்பதற்காக வைத்திருக்கும் பாடல் 'ஓ! மனமே'.

எனக்குப் பிடித்த பாண்டஸி இயக்குநர்களில் முக்கியமானவர் ஜீவா. அவரது துல்லியமான ஒளிப்பதிவும், அவர் பயன்படுத்தும் வண்ணங்களும், காட்சிப்பட்த்துதலும் எனக்குப் பிடித்தவை. அவர் அறிமுகப்படுத்தும் கொழுக் மொழுக் நடிகர்கள் கூட!

அவரது 12பி, உள்ளம் கேட்குமே, உன்னாலே உன்னாலே உள்ளிட்ட அனைத்து படங்களையும் ஒரு ரசிகனாக்க இருந்து ரசித்தவன் நான். எந்தவித சமூகக் கேடுகளுமற்ற பொழுது போக்குப் படங்கள் என்று அவரது படங்களை வரிசைப்படுத்தலாம். இன்னும், அவரது 12பி-யின் "சரியா? தவறா?" பாடலில் வரும் வைரமுத்துவின் பாடல்கள் எனக்கு பிடித்த பெண்ணுரிமை வரிகள்.
நீண்ட காலம் திரு. பி.சி. அவர்களிடம் உதவியாளராக இருந்து பயிற்சி பெற்றவர் ஜீவா.

தமிழ்த்திரையுலகின் இழப்பில் ஒரு திரை மாணவன் என்கிற முறையிலும், ஜீவா படங்களை ரசித்தவன் என்ற முறையிலும் எனது ஆழ்ந்த இரங்கலைப் பதிவு செய்கிறேன்.

அவர் நினைவாக....


Get Your Own Music Player at Music Plugin

கருத்துகள்

♠ யெஸ்.பாலபாரதி ♠ இவ்வாறு கூறியுள்ளார்…
:(((((
G.Ragavan இவ்வாறு கூறியுள்ளார்…
மிகவும் வருத்தத்திற்குரிய செய்தி. அவரது ஆன்மா அமைதிபெற இறைவனை வேண்டுகிறேன். அவரை இழந்து வாடும் உற்றார் உறவினர்களுக்கும் நண்பர்களுக்கும் ஆழ்ந்த அனுதாபங்கள்.
ஜாலிஜம்பர் இவ்வாறு கூறியுள்ளார்…
பாடல்களை காட்சிப்படுத்துவதில் மணிரத்னம்,சங்கர் போன்றோரையும் விஞ்சியவர் என்றே நான் கருதுகிறேன்.தமிழ்த் திரையுலகத்துக்கு ஈடு செய்ய முடியாத இழப்பு.
லக்கிலுக் இவ்வாறு கூறியுள்ளார்…
அவர் இயக்கிய 12பி திரைப்படம் என்னை மிகவும் வியப்படையச் செய்த ஒன்று. அன்னாருக்கு என் அஞ்சலிகள்!
லக்கிலுக் இவ்வாறு கூறியுள்ளார்…
மனசே ஆரலை தோழரே!

அவர் பெயரில் மட்டுமாவது ஜீவன் நிரந்தரமாக இருக்கட்டும்!
முத்துகுமரன் இவ்வாறு கூறியுள்ளார்…
திரூ,ஜீஇவா அவர்களீன் க்குட்ம்பத்தாருக்கு ஆழ்ந்த இரன்ன்கலைத்ஹ் தெரிவித்து கொள்கிறேன். அன்னாரின் ஆன்மா அமைதியுறட்டும்
உங்கள் நண்பன்(சரா) இவ்வாறு கூறியுள்ளார்…
படித்ததும் அதிர்ந்தேன், எனக்கும் மிகவும் பிடித்த இயக்குனர்களில் ஒருவர், இளமையான இயக்குனர், நம்மை விட்டுப் போனது வருத்தமே!
அவரின் ஆன்மா அமைதிபெறவும்,குடும்பத்தாருக்கு எனது ஆழ்ந்த அனுதாபங்கள்
மருதநாயகம் இவ்வாறு கூறியுள்ளார்…
ஜீவாவின் குடும்பத்துக்கும், அவரின் ரசிகர்களுக்கும் ஆழ்ந்த அனுதாபங்கள்
கானா பிரபா இவ்வாறு கூறியுள்ளார்…
ஆழந்த அனுதாபங்கள், என் பங்கிற்கும் ஒரு பதிவு போட்டிருக்கின்றேன், வீடியோ இணைப்புடன்

http://radiospathy.blogspot.com/2007/06/blog-post_26.html
செல்வேந்திரன் இவ்வாறு கூறியுள்ளார்…
நாயகன், நாயகி, காட்சியமைப்பு, ஒளிப்பதிவு, இசை, வரிகள், ஆடைகள் என அனைத்திலும் இளமை ததும்பும் படங்களை கொடுத்தவர் ஜீவா. அவரது மரணம் தமிழ் சினிமா ரசிகனுக்கு பேரிழப்பே...
ஆதிபகவன் இவ்வாறு கூறியுள்ளார்…
எனக்குப் பிடித்த இளம் டைரக்டர்களில் ஒருவர். நல்ல திறமையான ஓளிப்பதிவாளரும்கூட. அவரது குடும்பத்தினருக்கு எனது ஆழ்ந்த அனுதாபங்கள்.
PRINCENRSAMA இவ்வாறு கூறியுள்ளார்…
துயரத்தில் பங்கு கொண்ட பாலகிஷ்ட அய்யர்:), ஜி.ரா, ஜாலிஜம்பர், லக்கிலுக், முத்துக்குமரன், உங்கள் நண்பன் (சரா), மருதநாயகம், செல்வேந்திரன், ஆதிபகவன், தனிப் பதிவிட்ட கானாபிரபா அனைவருக்கும் நன்றிகள்.
எம்.கே.குமார் இவ்வாறு கூறியுள்ளார்…
மிகவும் அதிர்ச்சியுற்றேன். சாதிக்கும் துடிப்பும் திறமையும் கொண்ட ஒருவர்! வருந்துகிறேன்.

தமிழ்த் திரையுலகத்திற்கு மாபெரும் இழப்பு.

அஞ்சலி!

எம்.கே.குமார்

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

ஜெயா தொலைக்காட்சிக்கு என் இரங்கல்!

ஜெயா தொலைக்காட்சியில் மூடிக் கிடக்கும் போயஸ் தோட்டத்தின் கதவுகளைக் காட்டியபடி, முதலமைச்சரின் மறைவுச் செய்தி ஒளிபரப்பப்பட்டு வருகிறது. ஆம்... ஜெயா தொலைக்காட்சிக்கு இப்போது மட்டுமல்ல, எப்போதும் அவர் தான் முதலமைச்சர்.


அது காலம் முழுக்க ஜெயலலிதா அம்மையாரின் சிறப்புகளைச் சொல்வதற்காகவே உருவாக்கப்பட்டு செயல்பட்டு வரும் தொலைக்காட்சி. தேர்தல் தோல்வி என்றால் கூட அடுத்த சில நிமிடங்களில் தேர்தல் செய்திகள் கூட அதில் வராது. முதலமைச்சர் பதவி இல்லையென்றாலும் அதற்கு ஜெயலலிதா தான் முதல்வர். "மக்கள் முதல்வர்" என்ற பெயரை உருவாக்கிக் கொடுத்ததும் அதுதான்.

ஜெயலலிதா மீண்டும் ஜெயித்த போது இரட்டிப்பு போனசெல்லாம் வழங்கி மகிழ்ந்திருக்கிறார். பணியாற்றிய அனைவருக்கும், பதவி வேறுபாடற்று ஒரு லட்சம் ரூபாய் போனஸ் வழங்கியெல்லாம் கூட கொண்டாடியிருப்பதாகக் கேள்விப்பட்டிருக்கிறேன்.

அதிமுக என்ற கட்சியினுடையது என்றெல்லாம் அந்தத் தொலைக்காட்சியைச் சொல்ல முடியுமா என்று தெரியவில்லை. பிற கட்சி ஊடகங்களைப் போல, அதன் இரண்டாம் கட்ட, வருங்காலத் தலைவர்களுக்கெல்லாம் முக்கியத்துவம் தராதது. அது முற்றும் முழுதாக ஜெயலலிதா அவர்களின…

ராகு காலம் பார்த்தாரா வீரமணி?

இணைய தளத்தில் அவதூறாகப் பேசியதாக தொடரப்பட்ட சின்மயி விவகாரம் குறித்து புத்தகம் எழுதிய விமலாதித்த மாமல்லன் என்பவர், தனது வலைத்தளத்தில் திராவிடர் கழகத் தலைவர் கி.வீரமணி அவர்கள் குறித்து அவதூறு பரப்பியுள்ளார். அதைச் சில அறிவிலிகளும் பரப்பிக் கொண்டிருக்கின்றன.
//பெரியவர், தம் வீட்டுப் பிள்ளையின் திருமணத்துக்குப் பெண் தேடிக்கொண்டிருக்கும் சமயத்தில், தி.க. வீரமணி அவர்களின் பேத்தி திருமணத்துக்கு இருப்பதாகத் தெரிய வரவே அவருடன் தொடர்புகொண்டிருக்கிறார். இருவரும் பலவருடங்களாய் ஒருவருக்கொருவர் நன்கு தெரிந்தவர்கள் என்பதால் மகிழ்வுடன் அளவளாவத் தொடங்கிவிட்டனர். பெண்பார்க்க வரும் நாளையும் முடிவுசெய்துகொண்டனர். அன்று மாலை ஒரு நான்கரை மணி வாக்கில் வருகிறோம் என்று கூறியிருக்கிறார் பெரியவர். நாலரை வேண்டாம் அன்றைய தினம் நாலரை ஆறு ராவுகாலம் எனவே அதற்கு அப்புறமாக வாருங்கள் என்றிருக்கிறார் திரு. தி.க.வீரமணி.//
யார் இந்தத் தகவலை திரு.விமலாதித்த மாமல்லன் அவர்களுக்குச் சொன்னவர்? அந்தப் பெரியவரேவா? இல்லை. அந்த சோ கால்ட் பெரியவரின் உறவினராம். அவர் என்ன வகை உறவினர்; எத்தனை விட்ட உறவினர் என்பதெல்லாம் தெரியவில்லை.
ச…