முதன்மை உள்ளடக்கத்திற்குச் செல்

அரியணை ஏறும் அய்யாவின் வரலாறு!

தந்தை பெரியாரின் வரலாறு- ஒரு நூற்றாண்டு கால தமிழ்நாட்டு அரசியலின் வரலாறு என்றால் அது சரியான மதிப்பீடே! மக்களோடு கலந்து, மக்களுக்காகவே வாழ்ந்த அந்த மகத்தான தலைவரின் முழுமையான வாழ்க்கை வரலாற்றை எப்படி ஒரு படத்துக்குள் அடக்க முடியாதோ, அதே போல ஒரே ஒரு நூலுக்குள்ளும் அடக்க முடியாது! தந்தை பெரியாரின் வாழ்க்கை வரலாறு என்பது பல்வேறு கால கட்டங்களைக் கொண்டது!

சிறுவனாக, இளைஞராக, வணிகராக, காங்கிரஸ் பிரமுகராக, வைக்கம் வீரராக, சுயமரியாதைச் சூரியனாக, இந்தியாவுக்கு பொதுவுடைமையை அறிமுகம் செய்தவராக, இந்தி எதிர்ப்புப் போராட்ட வீரராக என்று தந்தை பெரியாரின்(1939 வரை) பல்வேறு பரிணாமங்களை 'தமிழர் தலைவர்' நூலில் 'சாமி.சிதம்பரனார்' வடித்துக் காட்டினார். தந்தை பெரியாராலேயே சரிபார்க்கப்பட்டு வெளியிடப்பட்ட பெருமை வாய்ந்தது அந்நூல்! (அதன் பிந்தைய நிகழ்ச்சிகள் வரலாற்றுக் குறிப்புகளாக 'தமிழர் தலைவர்' நூலின் பிற்சேர்க்கையாகவும், Biographical Sketch என்று குறுநூலாக தமிழ் மற்றும் இங்கிலீஷ்-ல் வெளியிடப்பட்டிருக்கிறது.)

ஆனால் அதனினும் எழுச்சிக் காலமான 1940 தொடங்கி அய்யாவின் இறுதிக் காலம் வரையிலான 34 ஆண்டுக்கால வரலாறு முழுமையாகப் பதிவு செய்யப்படாமலேயே இருந்துவந்தது. அய்யாவின் நூற்றாண்டுக் கொண்டாட்டங்களின்போது கவிஞர் கருணானந்தம் அவர்கள் "தந்தை பெரியார்- வாழ்க்கை வரலாறு" என்ற நூலை எழுதி வெளியிட்டார்.

அதன் பின் அய்யாவோடு பழகியவர்கள்... பார்த்தவர்கள்... என நிறைய பேர் தங்களுக்கும் அய்யாவுக்குமான தொடர்புகளைப் பற்றி எழுதியும், பேசியும் இருக்கிறார்கள். இப்படி ஏகப்பட்ட அய்யாவின் வாழ்க்கை நிகழ்ச்சிகள் பதிவு செய்யப்பட்டும், எவையும் முழுமையானதாக இல்லை.

அதையெல்லாம்விட, வரலாற்று நூலுக்குத் தேவையான அதிகாரப்பூர்வமான தகவல்களும், அவைக்கு வராத சில நெருக்கமான தகவல்களும், அதுவரை வெளிவராத புதிய செய்திகளுமாக அமையக்கூடிய நூல் ஒன்று இத்தனைக் காலம் வராதது பெரும் இழப்பே! இதோ, அந்த இழப்பையும் ஈடுகட்ட வருகிறது... 'தமிழர் தலைவர்' நூலின் தொடர்ச்சியாக அய்யா பெரியாரின் 1940 முதல் 1949 -ஆம் ஆண்டுகளுக்கிடையிலான பத்து ஆண்டுகளின் வாழ்க்கை வரலாற்றை விளக்கமாக எடுத்துரைக்கும் "உலகத் தலைவர் பெரியார் வாழ்க்கை வரலாறு" (2-ஆம் பாகம்).

இன்றைய தமிழர் தலைவர் ஆசிரியர் கி.வீரமணி அவர்கள் எழுதி, 2007 ஜூன் 21- அன்று திருவல்லிக்கேணியில் நடைபெறும் விழாவில் தமிழக முதல்வர் கலைஞரின் கரங்களால் வெளியிடப்பட இருக்கிறது. அதன் தொடர்ச்சியாக வாழ்க்கை வரலாற்றின் அடுத்தடுத்த பாகங்கள் வெளிவர இருக்கின்றன. பெரியாரின் வாழ்க்கையை இன்றைய இளைஞர்களுக்கு அறிமுகப்படுத்தியிருக்கும் 'பெரியார்' படத்தின் பெருவெற்றியைத் தொடர்ந்து இப்பணி ஒரு வரலாற்றுப் பணியாகும். ஆர்வலர்களும், தமிழினப் பெருமக்களும் படித்துப் பரப்பவேண்டியது நம் கடமையாகும்!

கருத்துகள்

??? ???? இவ்வாறு கூறியுள்ளார்…
Ayya pukazh onguka
PRINCENRSAMA இவ்வாறு கூறியுள்ளார்…
நன்றி கேள்விக்குறி அவர்களே!

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

ராசா வீடா? நவீன கோயபல்ஸ்களின் புளுகு அம்பலம்

”அய்யய்யோ... பாருங்கள்! இது தமிழ்நாட்டில் கட்டப்பட்டிருக்கும் ஆ.ராசாவின் வீடு... எவ்வளவு மோசமானவர்கள் பாருங்கள்!” என்ற தொனியில் மின்னஞ்சல் ஒன்று அனைவர் முகவரிக்கும் ஓலமிட்டு வருகிறது. நீங்களும் கூட அதனைப் பார்த்திருக்கக் கூடும். இதோ அந்த மின்னஞ்சலின் நகல்.

------------------------------------------------------------Spectrum Raja'sHouse ....in Tamil Nadu
...Hold YOUR breath.









செருப்பொன்று போட்டால் சிலை ஒன்று முளைக்கும்!

இன்றொரு வரலாற்றுக் குறிப்புநாள். 'பெரியார்' படத்தில் பெரியாரின் மீது செருப்பு வீசப்படும் காட்சி அனைவருக்கும் நினைவிருக்கும். திரையரங்கில் பெரும் கைதட்டல்களை அள்ளிய காட்சிகளில் அதுவும் ஒன்று. திரைப்படத்திற்கான கால சமரசம் உள்ளிட்ட பிற காரணங்களுக்காக அந்தக் காட்சியில் சில மாற்றங்கள் உண்டு. உண்மையில் நடந்த நிகழ்வு இன்னும் சுவாரஸ்யமானது.
ஆண்டு-1944: கடலூர் மாவட்டம் உள்ள மஞ்சக்குப்பம் பகுதியில் 'தென்னாற்காடு மாவட்ட திராவிடர் மாநாடு' நடைபெற்றது. கடும் மழையிலும் தந்தை பெரியார் எழுச்சியுரையாற்றுகிறார். கூட்டம் முடிந்து பெரியார், தொண்டர்கள் புடைசூழ கைவண்டி ரிக்சாவில் வைத்து திருப்பாதிரிப்புலியூர் தொடர்வண்டி நிலையத்திற்கு அழைத்துச் செல்லப்படுகிறார்.

பெரியாரும் தோழர்களும் கடிலம் நதி பாலத்தைக் கடக்கும்போது எங்கும் இருட்டு சூழ்ந்திருக்கிறது. அப்போது பெரியாரின் மீது பாப்பு வீசப்படுகிறது. தோழர்கள் பாம்பு, பாம்பு எனக் குரல்கொடுக்க, பின்னர் அது தண்ணீர் பாம்பு என்பதால் தொடர்ந்து பாலத்தைக் கடந்துவிட்டனர். சிறிது தூரம் சென்றபின், பெரியார் வண்டியைத் திருப்பச் சொல்லியிருக்கிறார். வந்த திசையில…