முதன்மை உள்ளடக்கத்திற்குச் செல்

மீள் நினைவுகள்!

தினசரி ஒரு பதிவு போட வேண்டும் என்பதற்காக மீள்பதிவு போடும் பழக்கம் எல்லாம் எனக்குக் கிடையாது. இதுவரையிலும் ஒன்றோ இரண்டோ மீள்பதிவாகியிருக்கலாம்..

சரி.. இப்போதெதற்கு அதெல்லாம்? மீள்பதிவு போடப் போகிறாயா என்கிறீர்களா? ஆம். அதே தான்.

ஆனால், மீள் பதிவாக அல்ல. மீள் நினைவாக!

மெல்ல மெல்ல பருவம் மாறத் தொடங்கி மழை பெய்ய ஆரம்பித்திருக்கிறது. எவ்வளவு மழை பெய்தாலும் அதற்குப் பயந்து வெளியில் போகாமலா இருகக் முடிகிறது. போய்த்தான் ஆக வேண்டும். அப்படி போனபோது இரண்டு மீள் நினைவுகள்.

ஒன்று பின்னால் வருபவருக்கு பூமாரி பொழிவது போல் சகதியை அள்ளி வீசி வரும் இரு சக்கர வாகனங்கள் பற்றியது.

கொஞ்சமும் கவலை இல்லாமல் குட்டியூண்டு Mud guard வைத்துக் கொண்டு, பூவாளியில் தெளிப்பதுபோல் சாலையில் ஓடும் மழை நீரை, கழிவு நீரை, சகதியை என்று சகலத்தையும் வாரி இறைக்கிறார்கள் வாகன ஓட்டிகள். Mud guard-க்குக் கீழ் சாணிமேட் மாட்ட வேண்டுமென்று நம்மவர்களுக்கும் தோன்றுவதில்லை; வண்டிகளிலும் அதற்கு வாய்ப்பு இல்லை. இது குறித்து அனைவரும், உள்ளாட்சி, போக்குவரத்து நிர்வாகங்களும் கொஞ்சம் சிந்தித்தால் நல்லது.

இரண்டாவது, விழுப்புண்கள் பற்றியது. காரணமில்லாமலா...?

மழையில் அடித்த சடன் பிரேக்கில் பின் சக்கரம் இழுத்து கீழே விழுந்ததில் எனக்கும் தோழர் பாபுவுக்கும் மீசையில் மண் ஒட்டவில்லை ஆனாலும், இடது முழங்கையில் சிறிய சிராய்ப்புகள்... சிறிது தான். ரொம்பச் சிறிதுதான்..

இருந்தாலும் விழுப்புண்கள் வரிசையில் அண்மையில் மூன்று புதுவரவுகள்..
கடந்தமாதம் அடி-தடி-கடியில் ஒன்று!
நேற்று முன்தினம் கபடியில் ஒன்று!
நேற்று வண்டி சறுக்கியதில் ஒன்று!

இப்படி கணக்குப் போட்டதில் இன்னும் 33 பாக்கியிருக்கிறது.  எதுவா? மேலும் விவரங்களுக்கு இந்தப் பதிவுக்கு செல்லவும்.

எச்சரிக்கை:
இந்தப் பதிவும், நினைவூட்டலும் கூட கண்டுகொள்ளப்படாவிட்டால், மீண்டும் ஒருமுறை மீள் நினைவுப் பதிவு போட வேண்டியிருக்கும். ஒழுங்கு மரியாதையாக ஆளாளுக்கு வந்து அட்டெண்டன்ஸ் போட்டு விடுங்கள். :)

கருத்துகள்

உண்மைத் தமிழன்(15270788164745573644) இவ்வாறு கூறியுள்ளார்…
தம்பி..

காத்து, கருப்பு உன் மேல பட்டிருச்சுன்னு நினைக்கிறேன்..!

கருப்பணசாமியை நினைச்சு கறுப்புக் கயிறை வாங்கிக் கைல கட்டிக்க..!

அப்புறம் இந்த அடிதடி, வம்புதும்பு, வாய்பேச்சு, வாள்வீச்சு இதுக்கெல்லாம் முன்னாடி போய் நிக்காத..! சூதானமா ஒரு ஓரமா போய் உக்காந்து சண்டைன்னா எந்திரிச்சு ஒரே ஓட்டமா திரும்பிப் பார்க்காம வந்திரு..!

சடுகுடுவெல்லாம் விளையாண்டா கைல, கால்ல அடிபடத்தான் ராசா செய்யும்..! நீ ஏன் அதெல்லாம் விளையாடுற..?

கோல்ப் கிளப் போ.. அந்த விளையாட்டைக் கத்துக்க.. திரும்பி வெளில வரும்போது நீ ஜேம்ஸ்பாண்ட் மாதிரி இருப்ப..!
chandru / RVC இவ்வாறு கூறியுள்ளார்…
enna koduma sir ithu...? (ithuvum meel commentae)

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

எச்சரிக்கிறான் சரவணன்!

எச்சரிக்கிறான்
சரவணன்!
இது செய்யத்
துணிந்தவர்கள்...
எதுவும் செய்யத்
துணிவார்கள்!

உயர்கல்விக்கு
நுழையும் போதே
மருத்துவரின்
உயிரை உறிஞ்சுகின்றன
ஊசிகள்!



எச்சரிக்கிறான்
சரவணன்!
இந்தியாவெங்கும்
சென்று பிணமாகத்
தயாரானால்
எழுதுங்கள்
நீட் தேர்வு!

முனைவராகும் முன்னே
முறிக்கப்படும்
ஆய்வு இறக்கைகள்!
கேட்காமலே இட ஒதுக்கீடு
வேமுலாவுக்கு அடுத்து
இடுகாட்டில்!

'என் சாவுக்கு யாரும் காரணமில்லை'
என்ற கடைசி வரிகளோடு
'யுவர்ஸ் சின்சியர்லி'க்குப் பிறகு
பெயர் சேர்க்க வசதியாய்
அய்.அய்.டி.களில் கிடைக்கின்றன
கடித நகல்கள்!

இழுத்தடிக்கும் பூணூல்களிடமிருந்து
விடுபட
சென்ட்ரல் யுனிவர்சிட்டி
கேம்பஸ் ஸ்டோர்களில்
குறைந்த விலையில்
தூக்குக் கயிறுகள்!

உயர்குடிக்கே
உயர்கல்வி !
பிறர் நுழைந்தால்
'உயிர்' குடிக்கும்
என்பதறிக!

பனியன் தைக்க
ஊசியெடுப்பவன் பிள்ளைக்கு
உயர் மருத்துவனாகி
ஊசியெடுக்க
ஆசையா?

தூண்டியது
நடக்காவிட்டால்
தூண்டியவர்களே
ஆயுதம்
தூக்குவார்கள்!
நூலிய சிந்தனை
தூக்கத் தொடங்கியிருக்கிறது
ஊசிகளை!

நூலியம்
பதறுகிறது...
கடிதத்தில்
கையெழுத்திடவும்
கணம் தரமுடியாது.

எச்சரிக்கிறான்
சரவணன்!
நூல்கள்
அ…

ஜெயா தொலைக்காட்சிக்கு என் இரங்கல்!

ஜெயா தொலைக்காட்சியில் மூடிக் கிடக்கும் போயஸ் தோட்டத்தின் கதவுகளைக் காட்டியபடி, முதலமைச்சரின் மறைவுச் செய்தி ஒளிபரப்பப்பட்டு வருகிறது. ஆம்... ஜெயா தொலைக்காட்சிக்கு இப்போது மட்டுமல்ல, எப்போதும் அவர் தான் முதலமைச்சர்.


அது காலம் முழுக்க ஜெயலலிதா அம்மையாரின் சிறப்புகளைச் சொல்வதற்காகவே உருவாக்கப்பட்டு செயல்பட்டு வரும் தொலைக்காட்சி. தேர்தல் தோல்வி என்றால் கூட அடுத்த சில நிமிடங்களில் தேர்தல் செய்திகள் கூட அதில் வராது. முதலமைச்சர் பதவி இல்லையென்றாலும் அதற்கு ஜெயலலிதா தான் முதல்வர். "மக்கள் முதல்வர்" என்ற பெயரை உருவாக்கிக் கொடுத்ததும் அதுதான்.

ஜெயலலிதா மீண்டும் ஜெயித்த போது இரட்டிப்பு போனசெல்லாம் வழங்கி மகிழ்ந்திருக்கிறார். பணியாற்றிய அனைவருக்கும், பதவி வேறுபாடற்று ஒரு லட்சம் ரூபாய் போனஸ் வழங்கியெல்லாம் கூட கொண்டாடியிருப்பதாகக் கேள்விப்பட்டிருக்கிறேன்.

அதிமுக என்ற கட்சியினுடையது என்றெல்லாம் அந்தத் தொலைக்காட்சியைச் சொல்ல முடியுமா என்று தெரியவில்லை. பிற கட்சி ஊடகங்களைப் போல, அதன் இரண்டாம் கட்ட, வருங்காலத் தலைவர்களுக்கெல்லாம் முக்கியத்துவம் தராதது. அது முற்றும் முழுதாக ஜெயலலிதா அவர்களின…