முதன்மை உள்ளடக்கத்திற்குச் செல்

ஈழத் தமிழர் உரிமை பெற்றிட செம்மொழி மாநாடு நல்ல துவக்கம்!

தமிழினத்துக்கு எதிரான ஜெ கூட்டத்தை மக்கள் அடையாளம் காண்பர்
ஈழத் தமிழர், உலகத் தமிழர் உரிமை பெற்றிட
உலகத் தமிழ் செம்மொழி மாநாடு - இனமானத் திருவிழா - நல்ல துவக்கம்!
தமிழர் தலைவர் கி.வீரமணி அறிக்கை
சென்னை, ஜூன் 20- ஈழத் தமிழர், உலகத் தமிழர் இனம் உரிமை பெற்றிட உலகத் தமிழ் செம்மொழி மாநாடு ஒரு நல்ல துவக்கம். எதற்கெடுத்தாலும் போராட்டம், சேற்றை வாரி இறைப்பது, ஈழத் தமிழர் பிரச்சினை வரை நாகரிகமில்லாமல் நடந்து கொள்ளும் எதிர்க்கட்சித் தலைவர் ஜெயலலிதாவையும் அவரது கூட்டத்தினரையும் மக்கள் அடையாளம் காண்பர் என்று திராவிடர் கழக தலைவர் தமிழர் தலைவர் கி. வீரமணி அவர்கள் இன்று வெளியிட்டுள்ள அறிக்கையில் கூறியுள்ளார் அவரது அறிக்கை வருமாறு:
எதிர்க்கட்சித் தலைவர் - அவரது கூட்டத்தார்! பைத்தியக்காரனுக்கு கள் ஊற்றியதுபோல்...
தமிழ்நாட்டு அறிக்கைத் தலைவியாகக் காட்சியளித்து நாளுக்கொரு போராட்டத்தை, மலையேறிய நிலையிலும் நடத்திடும் எதிர்க்கட்சித் தலைவருக்கும் அவரது கூட்டத்தாருக்கும், கோவையில் முதலாவது உலகத் தமிழ் செம்மொழி மாநாடு சீரோடும் சிறப்போடும் நடைபெற விருப்பதையும், உலக முழுவதிலும் உள்ள நல்ல தமிழ் நெஞ்சங்கள் பற்றோடும் பாசத்தோடும் கலந்து கொள்ள ஆயிரக்கணக்கில் வந்து குவியத் தொடங்கி விட்டனர் என்ற செய்தியையும் பொறுத்துக் கொள்ள முடியவில்லை.
தந்தை பெரியார் அவர்கள் கூறும் உவமைபோல், பைத்தியக்காரனுக்குக் கள் ஊற்றியதுபோல உளற ஆரம்பித்து வயிற்றெரிச்சலையும், வசவுகளையும் வாரி இறைத்து அதில் இன்பங் காணுகின்றனர்.
என்னே இழி நிலை!
நனி நாகரிகமின்றி சேற்றை வாரி இறைப்பதா? அரசியல் வேறு; மொழி வேறு. பொதுப் பிரச்சினைகளில் ஒன்றுபட்டு நிற்கும் அரசியல் நனி நாகரிகத்திற்கே இடமின்றி, குறைகூறி சேற்றையும், கையில் எடுக்கக் கூடாத அசிங்கங்களை யும், குப்பைகளையும் கலைஞர் மீதும் அவரது அரசுமீதும் வாரி இறைக்கும் திருப்பணியிலே ஈடுபட்டு வருகின்றனர்!
பாதிக்கப்படுவது கலைஞரோ - அரசோ அல்ல
இதனால் பாதிக்கப்படுவது முதல்வர் கலைஞரோ, அவரது அரசோ, உலகத் தமிழ் செம்மொழி மாநாடோ அல்ல. இந்த வசவுகள் அர்ச்சனைகள் இவையெல்லாம் அந்த வளமான வயல்களில் இடப்பட்ட உரங்கள்!
எதிர்நீச்சல் _ எப்போதும் ஈரோடு சென்றவர்களுக்கு நிலாச் சோறு. களைப்படைய மாட்டார்கள்.
பிலாக்கணங்கள் அவர்களை மேலும் உற்சாகம் கொள்ளவே செய்விக்கும்.
அண்ணா பெயரில் கட்சி
அண்ணா பெயரில் கட்சி! அவர்தம் மூல தத்துவங்கள் இன்று காற்றில் பறக்க விடப்படுகின்றன.
உண்மைத் தமிழர்கள் அடையாளம் காண்பர்!
ஈழத் தமிழர் வாழ்வுரிமைக்கு ஓரணியில் ஒன்று திரண்டு குரல் கொடுக்க மனமற்றவர்களை, தமிழ் இன உணர்வினை போலிச் சாயமிட்டு வருபவர்களைத் தக்க வகையில் அடையாளம் காண உண்மைத் தமிழர்கள் தவறிட மாட்டார்!
செம்மொழி மாநாடு ஒரு நல்ல துவக்கம்
செம்மொழி மாநாடு ஒரு வகையில் ஈழத் தமிழர், உலகத் தமிழர் இனம் உரிமை பெற்றிட ஒரு நல்ல துவக்கம்.
தமிழர்களுக்கு இது ஓர் இனமானத் திருவிழா!
உலகத் தமிழர்களின் பிரச்சினைகள் எல்லாம் தீர்க்கப்பட்ட பிறகே இப்படி ஒரு மாநாடு நடைபெற வேண்டும் என்று திசை திருப்ப முயலுவோருக்கு, ஒன்று புரிய வேண்டும்.
உலகத் தமிழர்களின் உன்னத எழுச்சி
இத்தகைய மாநாட்டின் மூலம் உலகத் தமிழினத்தின் உன்னத எழுச்சியே அப்பிரச்சினைகள் தீருவதற்கு முன்னோடியாக அமையும் என்பது உறுதி!
எதைக் கண்டாலும் காமாலைக் கண்ணர்களுக்கு பழுதுதான் புலப்படும். வளர்ந்தோங்கிய விழுதுகளும், அதைவிட பலமான வேர்களும் ஒருபோதும் தெரியாது. அது அவரவர்கள் குற்றமே தவிர, மற்றவர்களது குற்றமல்ல.
பச்சைத் தமிழர் காமராசர் ஒன்று கேட்பார்: உன் வீட்டில் நடந்தால் கல்யாணம்; என் வீட்டில் நடந்தால் துக்கமா? என்று. அதுதான் இப்போது இவர்களுக்கு - _ ஜெயலலிதா, சோ போன்றவர்களுக்கு தாறுமாறான தரக்குறைவான வயிற்றெரிச்சல் _ அவைகளைக் காணும்போது.
காரிருளால் சூரியன்தான் மறைவதுண்டோ?
இதனால் மாநாட்டின் வெற்றியை எவரும் தடுத்திட முடியாது. காரிருளால் சூரியன்தான் மறைவதுண்டோ?
தலைவர்
திராவிடர் கழகம்
20.6.2010
சென்னை

கருத்துகள்

இந்த வலைப்பதிவில் உள்ள பிரபலமான இடுகைகள்

எச்சரிக்கிறான் சரவணன்!

எச்சரிக்கிறான்
சரவணன்!
இது செய்யத்
துணிந்தவர்கள்...
எதுவும் செய்யத்
துணிவார்கள்!

உயர்கல்விக்கு
நுழையும் போதே
மருத்துவரின்
உயிரை உறிஞ்சுகின்றன
ஊசிகள்!



எச்சரிக்கிறான்
சரவணன்!
இந்தியாவெங்கும்
சென்று பிணமாகத்
தயாரானால்
எழுதுங்கள்
நீட் தேர்வு!

முனைவராகும் முன்னே
முறிக்கப்படும்
ஆய்வு இறக்கைகள்!
கேட்காமலே இட ஒதுக்கீடு
வேமுலாவுக்கு அடுத்து
இடுகாட்டில்!

'என் சாவுக்கு யாரும் காரணமில்லை'
என்ற கடைசி வரிகளோடு
'யுவர்ஸ் சின்சியர்லி'க்குப் பிறகு
பெயர் சேர்க்க வசதியாய்
அய்.அய்.டி.களில் கிடைக்கின்றன
கடித நகல்கள்!

இழுத்தடிக்கும் பூணூல்களிடமிருந்து
விடுபட
சென்ட்ரல் யுனிவர்சிட்டி
கேம்பஸ் ஸ்டோர்களில்
குறைந்த விலையில்
தூக்குக் கயிறுகள்!

உயர்குடிக்கே
உயர்கல்வி !
பிறர் நுழைந்தால்
'உயிர்' குடிக்கும்
என்பதறிக!

பனியன் தைக்க
ஊசியெடுப்பவன் பிள்ளைக்கு
உயர் மருத்துவனாகி
ஊசியெடுக்க
ஆசையா?

தூண்டியது
நடக்காவிட்டால்
தூண்டியவர்களே
ஆயுதம்
தூக்குவார்கள்!
நூலிய சிந்தனை
தூக்கத் தொடங்கியிருக்கிறது
ஊசிகளை!

நூலியம்
பதறுகிறது...
கடிதத்தில்
கையெழுத்திடவும்
கணம் தரமுடியாது.

எச்சரிக்கிறான்
சரவணன்!
நூல்கள்
அ…

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

ஜெயா தொலைக்காட்சிக்கு என் இரங்கல்!

ஜெயா தொலைக்காட்சியில் மூடிக் கிடக்கும் போயஸ் தோட்டத்தின் கதவுகளைக் காட்டியபடி, முதலமைச்சரின் மறைவுச் செய்தி ஒளிபரப்பப்பட்டு வருகிறது. ஆம்... ஜெயா தொலைக்காட்சிக்கு இப்போது மட்டுமல்ல, எப்போதும் அவர் தான் முதலமைச்சர்.


அது காலம் முழுக்க ஜெயலலிதா அம்மையாரின் சிறப்புகளைச் சொல்வதற்காகவே உருவாக்கப்பட்டு செயல்பட்டு வரும் தொலைக்காட்சி. தேர்தல் தோல்வி என்றால் கூட அடுத்த சில நிமிடங்களில் தேர்தல் செய்திகள் கூட அதில் வராது. முதலமைச்சர் பதவி இல்லையென்றாலும் அதற்கு ஜெயலலிதா தான் முதல்வர். "மக்கள் முதல்வர்" என்ற பெயரை உருவாக்கிக் கொடுத்ததும் அதுதான்.

ஜெயலலிதா மீண்டும் ஜெயித்த போது இரட்டிப்பு போனசெல்லாம் வழங்கி மகிழ்ந்திருக்கிறார். பணியாற்றிய அனைவருக்கும், பதவி வேறுபாடற்று ஒரு லட்சம் ரூபாய் போனஸ் வழங்கியெல்லாம் கூட கொண்டாடியிருப்பதாகக் கேள்விப்பட்டிருக்கிறேன்.

அதிமுக என்ற கட்சியினுடையது என்றெல்லாம் அந்தத் தொலைக்காட்சியைச் சொல்ல முடியுமா என்று தெரியவில்லை. பிற கட்சி ஊடகங்களைப் போல, அதன் இரண்டாம் கட்ட, வருங்காலத் தலைவர்களுக்கெல்லாம் முக்கியத்துவம் தராதது. அது முற்றும் முழுதாக ஜெயலலிதா அவர்களின…