முதன்மை உள்ளடக்கத்திற்குச் செல்

இலவசக் கழிவறையும், சில கழிவுகளும்

மதுரை பேருந்து நிலையம் அருகில் நவீன இலவச கழிப்பிடம் ஒன்றைக் கட்டப்பட்டிருக்கிறது! அவரைப் பாராட்டுவதை விட்டுவிட்டு அழகிரி படம் இருப்பதைப் புகைப்படம் எடுத்துக் காட்டி கிண்டல் அடிக்கிறார் ஒருவர். அங்கே ராசா படம் வைக்கவேண்டும்; பெண்கள் பகுதிக்கு கனிமொழி, நீராராடியா என்று ஏதேதோ பேசிக் கொண்டிருக்கிறீர்கள். வேலையத்த வெட்டிகளைப் போல உங்கள் அருவெறுப்பை இங்கே வந்து காட்டுவதா?


கோடிகோடியாய்க் கோயிலுக்குக் கொட்டி அழுபவர்களும், திருவிழா, கொண்டாட்டம் என்று பாவக் கணக்கை தீர்க்க செலவு செய்து கொண்டிருப்பவர்களும் லட்சக்கணக்கில் இருக்கின்றனர். அப்படி நடக்கும் திருவிழாக்களில் கூட முறையாகக் கழிப்பிட வசதி செய்து கொடுக்காமல், போகும் வரும் இடங்களில் எல்லாம் அசுத்தம் செய்து ஊரையே கழிவறையாக்கிவிட்டுச் செல்லும் படி திருவிழா நடத்துகிற கோயில்களையும், அதன் மூலம் கொள்ளையடிக்கிற கும்பலையும் கண்டிக்க ஒருமுறையாவது உங்களுடைய விரல்கள் கணினியைத் தொட்டிருக்குமா? சுகாதரமற்ற குளங்களினாலும், கோவிலைச் சுற்றிய கழிவுகளினாலும் எத்தனை பேர் பாதிக்கப்படுகிறார்கள். அதற்கெல்லாம் கவலைப்பட்டதுண்டா?

சமூகத்திற்குப் பயன்படும் விதத்தில் கழிவறை கட்டிவிட்டவர் அழகிரி ஆதரவாளராக இருந்தால் அவரையும், மனமிருந்தால் அழகிரியையும் சேர்த்துப் பாராட்டுவதை விட்டுவிட்டு கிண்டல் அடித்துக் கொண்டிருக்கிறீர்களே! வெட்கமாயில்லை...?

ஊடகங்கள் உருவாக்கியிருக்கும் தோற்றத்தைக் கொண்டே, தொடர்ந்து வன்மம் நிறைந்ததும், கருத்தற்ற கிண்டலுமாக பேசிக் கொண்டிருப்பதும், கற்றோர்க்கு அழகல்ல!

கழிவறையில் அடையாளத்திற்காக படம் மாட்டப்பட்டிருந்தால், அதைக் கேவலம் என்றா கருதுவீர்கள்? அப்படியெனில் அதைப் பயன்படுத்தும் நீங்கள் அதைவிடக் கேவலமானவர்களா? நாம் கேவலமானவர்களா? ஏன், உங்களில் யாருக்கும் கழிவு வெளியேறாதா? கடவுளர், கடவுளச்சி படங்களை கழிவறைகளில் மாட்டியிருக்கிறார்களே! அதற்கென்ன பொருள்?
---------------------------------------------------------------------------------------------

இதை விட மோசமான, ஆபாசமான குறுந்தகவல்களும், மின்னஞ்சல்களும் தி.மு.க.வைக் குறிவைத்து எய்யப்படுகின்றன. ஸ்பெக்ட்ரம் குறித்த கேள்விகளுக்குப் பதில் தரத் தயார் என்று சொன்னாலும், நாடாளுமன்றத்தை நடத்த விடாத அராஜககும்பலைப் போலத்தான் இருக்கிறது இவர்களது நடவடிக்கை.

"ஸ்பெக்ட்ரம் பிரச்சினை - ஊழல் பிரச்சினையில்லை; கற்பனை நட்டம் என்ற கதை கட்டல்" என்று தெரிந்ததும், "அதுவும் இவர்கள் சொன்ன தொகையெல்லாம் சம்பந்தமே இல்லாத தொகை" என்று இதே துறைக்கான முன்னாள் அமைச்சர் அருண்ஷோரி சொன்னதும், "2001-இலிருந்து விசாரிக்க வேண்டும்" என்று உச்ச நீதிமன்றம் சொன்னதும் நடந்தபிறகு முறையான கருத்துகளை விட்டுவிட்டு, அவதூறு பரப்பும் விதமாக மட்டுமே வருவதை கவனித்தாலே இந்த கெட்டிக்காரர்களின் புளுகு எத்தனை நாள் என்று தெரிந்துவிடும்.

கருத்துகள்

பெயரில்லா இவ்வாறு கூறியுள்ளார்…
alagiri supporters have not built it for social service but for collecting Rs 5 for urin.
PRINCENRSAMA இவ்வாறு கூறியுள்ளார்…
http://www.sureshkumar.info/2010/12/blog-post_26.html
kama இவ்வாறு கூறியுள்ளார்…
நண்பனே மிக விபரமாக சரியாகத்தான் பேசினீர்கள்.. ஆனால் கடைசியில் நீங்கள் கொண்டு வந்த சேர்த்த இடம் தான் இருக்கிறதே.. அதை நிணைத்து நான் சிரிப்பதா.. இல்லை அழுவதா என்று தெரியவில்லை. (ரொம்ப புத்திசாலிதான் நீங்க....)
bandhu இவ்வாறு கூறியுள்ளார்…
எப்படியோ, மொட்டை தலைக்கும் முழங்காலுக்கும் முடிச்சு போட்டுவிட்டீர்கள்!
பெயரில்லா இவ்வாறு கூறியுள்ளார்…
loosapaa nee?

ivanoda panam, background, rowdism ellam theriyuma? illa, therinchum theriyatha maathiri nadikkirya?

CM son appdinu oru qualification pothuma? vera ethuvume illa. (councillor ward la kooda nikkirathukku layakku illa!)

kastam, ithu maathiri aalungalala ungala maathiri padichavanga support panrathu. naadu urupatta maathiri thaan.

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

எச்சரிக்கிறான் சரவணன்!

எச்சரிக்கிறான்
சரவணன்!
இது செய்யத்
துணிந்தவர்கள்...
எதுவும் செய்யத்
துணிவார்கள்!

உயர்கல்விக்கு
நுழையும் போதே
மருத்துவரின்
உயிரை உறிஞ்சுகின்றன
ஊசிகள்!



எச்சரிக்கிறான்
சரவணன்!
இந்தியாவெங்கும்
சென்று பிணமாகத்
தயாரானால்
எழுதுங்கள்
நீட் தேர்வு!

முனைவராகும் முன்னே
முறிக்கப்படும்
ஆய்வு இறக்கைகள்!
கேட்காமலே இட ஒதுக்கீடு
வேமுலாவுக்கு அடுத்து
இடுகாட்டில்!

'என் சாவுக்கு யாரும் காரணமில்லை'
என்ற கடைசி வரிகளோடு
'யுவர்ஸ் சின்சியர்லி'க்குப் பிறகு
பெயர் சேர்க்க வசதியாய்
அய்.அய்.டி.களில் கிடைக்கின்றன
கடித நகல்கள்!

இழுத்தடிக்கும் பூணூல்களிடமிருந்து
விடுபட
சென்ட்ரல் யுனிவர்சிட்டி
கேம்பஸ் ஸ்டோர்களில்
குறைந்த விலையில்
தூக்குக் கயிறுகள்!

உயர்குடிக்கே
உயர்கல்வி !
பிறர் நுழைந்தால்
'உயிர்' குடிக்கும்
என்பதறிக!

பனியன் தைக்க
ஊசியெடுப்பவன் பிள்ளைக்கு
உயர் மருத்துவனாகி
ஊசியெடுக்க
ஆசையா?

தூண்டியது
நடக்காவிட்டால்
தூண்டியவர்களே
ஆயுதம்
தூக்குவார்கள்!
நூலிய சிந்தனை
தூக்கத் தொடங்கியிருக்கிறது
ஊசிகளை!

நூலியம்
பதறுகிறது...
கடிதத்தில்
கையெழுத்திடவும்
கணம் தரமுடியாது.

எச்சரிக்கிறான்
சரவணன்!
நூல்கள்
அ…

ஜெயா தொலைக்காட்சிக்கு என் இரங்கல்!

ஜெயா தொலைக்காட்சியில் மூடிக் கிடக்கும் போயஸ் தோட்டத்தின் கதவுகளைக் காட்டியபடி, முதலமைச்சரின் மறைவுச் செய்தி ஒளிபரப்பப்பட்டு வருகிறது. ஆம்... ஜெயா தொலைக்காட்சிக்கு இப்போது மட்டுமல்ல, எப்போதும் அவர் தான் முதலமைச்சர்.


அது காலம் முழுக்க ஜெயலலிதா அம்மையாரின் சிறப்புகளைச் சொல்வதற்காகவே உருவாக்கப்பட்டு செயல்பட்டு வரும் தொலைக்காட்சி. தேர்தல் தோல்வி என்றால் கூட அடுத்த சில நிமிடங்களில் தேர்தல் செய்திகள் கூட அதில் வராது. முதலமைச்சர் பதவி இல்லையென்றாலும் அதற்கு ஜெயலலிதா தான் முதல்வர். "மக்கள் முதல்வர்" என்ற பெயரை உருவாக்கிக் கொடுத்ததும் அதுதான்.

ஜெயலலிதா மீண்டும் ஜெயித்த போது இரட்டிப்பு போனசெல்லாம் வழங்கி மகிழ்ந்திருக்கிறார். பணியாற்றிய அனைவருக்கும், பதவி வேறுபாடற்று ஒரு லட்சம் ரூபாய் போனஸ் வழங்கியெல்லாம் கூட கொண்டாடியிருப்பதாகக் கேள்விப்பட்டிருக்கிறேன்.

அதிமுக என்ற கட்சியினுடையது என்றெல்லாம் அந்தத் தொலைக்காட்சியைச் சொல்ல முடியுமா என்று தெரியவில்லை. பிற கட்சி ஊடகங்களைப் போல, அதன் இரண்டாம் கட்ட, வருங்காலத் தலைவர்களுக்கெல்லாம் முக்கியத்துவம் தராதது. அது முற்றும் முழுதாக ஜெயலலிதா அவர்களின…