முதன்மை உள்ளடக்கத்திற்குச் செல்

வாழையும் கொஞ்சம் வாழ்க்கையும்!

விவசாய விளைபொருட்களுக்குப் பெரும்பாலும் பேரம் பேசாமலும், ஏன் என்று கேட்காமலும் வாங்கி வந்துவிடுவேன். ’விலைப்பட்டியல் போட்டு விற்பவனிடம் பேரம் பேசாமல், அன்றாடம் பிழைப்பவரிடம் என்ன பேரம்?’ என்பது தான் அதற்குக் காரணம். இருந்தாலும் சில நேரம் இளநீர் விலை ரூ. 30, 35 எனும் போது கொஞ்சம் ஜெர்க் ஆகித் தான் போகிறேன். 



நேற்றும் இன்றும் வாழைப்பழம் வாங்கப் போனபோதும் இதே நிலை தான். பெரிய மேடு, சூளை பகுதிகளில் 10:30-க்குமேல் எங்கும் வாழைப்பழம் இல்லை. மசூதிக்கு எதிரில் உள்ள கடையில் 4 ரூபாய் என்றார் ஒரு பழம்! சின்னப் புள்ள விரல் தண்டி இல்ல அந்த வாழைப்பழம்.. - அது 4 ரூபாயாம்... சரி, நேரமாயிட்டதுனால அப்படியிருக்கும்னு நினைச்சேன். இன்னிக்கு வேற ஒரு கடையிலயும் அதே 4 ரூபாய் தான். ஒன்ஸ் ஏறுனா அதில இருந்து இறக்காம,  ஃபிக்ஸ் பண்ணிடுவாங்க போலிருக்கு!

ரூபாய்க்கு எத்தனை என்று கேட்கும் நிலை போய், இப்போ 10 ரூபாய்க்கு ஒன்றா இரண்டா எனக் கேட்க வேண்டியிருக்கும் போல! 
ஊரில் இருக்கும் வரை எனக்கு நிரம்பப் பிடித்தது ரஸ்தாலி தான்! பூவன் பழம் சளிப் பிடிக்கும் என்று எங்க அய்யா வாங்க மாட்டார். சித்தப்பா வீட்டில் பச்சை நாடா வாங்குவார்கள். ஆனால் அதில் ஒரு மருந்து வாடை அடிப்பது போல் எனக்குத் தோன்றும். அதனால் அதிகம் விரும்பமாட்டேன். மதுரையில் ஒரு முறை கல்லூரிப் போட்டிகளுக்காகப் போனபோது தான் நாட்டுப் பழம் சாப்பிட்டேன். மிகவும் பிடித்துப் போனது. வீட்டில் காய்த்த ஆயிரம் காய்ச்சியும் இந்தப் பட்டியலில் உண்டு.

வீட்டில் விளைந்தவை தவிர, எங்க அய்யா பழம் வாங்கினால் தாரில் பாதி அளவுக்கு வாங்கிவிடுவார். ’என்ன மாப்ள!’ என்று பழவண்டியில் அய்யா கை வைத்தால் கால் வாசி சரக்கு தீர்ந்து தான் செல்வார் வண்டிக்காரர். சென்னைக்கு வந்த பிறகு, ரஸ்தாலி அதிகம் கிடைக்காமல், கற்பூர வாழையை சுவைக்கத் தொடங்கிய பிறகு, அதன் இனிப்புக்கு நான் சுவைஞனாகிவிட்டேன்.

’செவ்வாழை’யெல்லாம் அண்ணாவின் கதையோடு சரி! அத்துடன் மலைப்பழம், சிறுமலைப்பழம், நேந்திரன் எல்லாம் கொஞ்சம் காஸ்ட்லியான பணக்காரப் பழங்கள். அதனால் அந்தப் பக்கம் போவதில்லை. எப்படியிருக்கும் என்று ஒவ்வொரு முறை சுவை பார்த்ததோடு அவ்ளோதான்.
சென்னையில் எது மஞ்சளாக இருந்தாலும் அது ’மஞ்சப்பழம்’ தான். ரஸ்தாலி, பூவன், கற்பூரவல்லி என்றெல்லாம் கேட்டால் ஏற இறங்கப் பார்த்துவிட்டுத்தான் பழத்தைப் பிய்த்துக் கொடுப்பார்கள்.

ஆனால், வரவர சென்னையில் மற்ற பழங்களே கிடைக்காமல் போய் எங்கு பார்த்தாலும் பச்சை நாடாவுக்கு மஞ்சள் பெயிண்ட் அடித்தது போன்ற ஹைபிரிட் வகை என்று சொல்லப்படும் ’மோரிஸ்’ தான். எனக்கு அதில் பெரிய விருப்பம் இல்லை. மிகப்பெரும்பாலும் அதை உண்பதைத் தவிர்த்துவிடுவேன். 

இப்போது, சென்னையைப் போலவே தமிழகத்தின் பெரும்பாலான ஊர்களிலும் மோரிஸின் ஆதிக்கம் இருப்பதைப் பார்க்கிறேன். ரிலையன்ஸ் பழம் என்றும் இதனைச் சொல்கிறார்கள். ரிலையன்சின் ஆதிக்கம் எங்கும் நிறைந்திருப்பதும் தெரிகிறது. முக்கனியில் மூன்றாம் கனியில், மோரிசைத் தவிர, வேறு வகையே இனி இருக்காது போலும். எங்கேனும் ரஸ்தாலியைக் கண்டால் காணாததைக் கண்டது போல் இருக்கிறது. விலையோ கடுமையாக இருக்கிறது. 

பசிக்கு ரெண்டு வாழைப்பழம் சாப்பிட்டால் போதும் என்ற எளிய நிலையெல்லாம் இன்று இல்லை. 2 ரூபாய்க்கு பெரிய பழமே கிடைக்கும் என்றிருந்த நிலை ஒன்றிரண்டு ஆண்டுகளில் சிறிய பழம் தான் 4 ரூபாய் என்னும் நிலையைத் தொட்டிருக்கிறது. நல்ல வளர்ச்சி தான்!?


எனக்கு இந்த அரிசி விலை, காய்கறி விலையெல்லாம் தெரியாது. விலையேற்றத்துக்கான எனது அளவுகோல் பரோட்டா தான். 10 ஆண்டுகளுக்கு முன் சென்னையில் பரோட்டா 2 ரூபாய்; இன்று அதே கடையில் 10 ரூபாய்! டீ 1.50-லிருந்து 6, 7 வரை ஆகிவிட்டதாம். 
வாழை மட்டுமல்ல... இங்கே வாழ்க்கையே விலையேறித் தான் போயிருக்கிறது!

கருத்துகள்

பெயரில்லா இவ்வாறு கூறியுள்ளார்…
சரியா ஒண்ணாந்தேதி சம்பளம் வாங்குறவனுக்கு எந்த கவலையும் இல்ல. அவன் பார்க்கிறதை விட பல மடங்கு வேலையை டீ மாஸ்டரும், பரோட்டா போடுறவரும் பார்க்கிறார், விலைவாசி உயர்வை டீ விலையையும், பரோட்டா விலையையும் வைச்சு பார்க்கிறதுக்கு ஒயிட் காலருக சம்பளத்தை வைச்சு கணக்கிடலாம். இல்ல உங்க சம்பளத்தை வைச்சே கணக்கிடலாம்,
PRINCENRSAMA இவ்வாறு கூறியுள்ளார்…
கரெக்டு தான் அனானி! அதை சம்பளம் வாங்குறவன் கணக்கு பண்ணலாம். இன்னும் படிச்சுக்கிட்டிருக்கேன். ஓரளவு எனக்கு வேணுங்கிறத சம்பாதிக்கிற நானெல்லாம் அன்னாடங்காச்சி! வேலை பார்த்தா கூலி! நான் வேற எப்படி கணக்கு பண்றது?
பெயரில்லா இவ்வாறு கூறியுள்ளார்…
டீ 1.50 வித்த காலத்துல இருந்து காலேஜ்ல தான் படிக்கிறிங்களா. கால காலத்துல படிச்சு முடிங்க. உங்களுக்கு வருமானம் இல்ல. ஓகே. உங்க அப்பாவோட வருமானம் பத்து வருஷத்துல ஏறி இருக்கும்ல. நீங்க சுயமா சம்பாதிக்காதவரை டீ எல்லாம் குடிக்காதிங்க.
PRINCENRSAMA இவ்வாறு கூறியுள்ளார்…
ஆகட்டுங்க அனானி! எனக்கு டீ குடிக்கிற பழக்கம் கிடையாதுங்க... அதனால் தான் //டீ 1.50-லிருந்து 6, 7 வரை ஆகிவிட்டதாம். //னு எழுதியிருக்கேன். இன்னும் 5 வருடம் படிக்கிற எண்ணம் இருக்கு! Do you have any problem with this? //ஓரளவு எனக்கு வேணுங்கிறத சம்பாதிக்கிற நானெல்லாம்// நான் சுயமா சம்பாதிச்சாலும் டி குடிக்கிறதில்ல..

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

ஜெயா தொலைக்காட்சிக்கு என் இரங்கல்!

ஜெயா தொலைக்காட்சியில் மூடிக் கிடக்கும் போயஸ் தோட்டத்தின் கதவுகளைக் காட்டியபடி, முதலமைச்சரின் மறைவுச் செய்தி ஒளிபரப்பப்பட்டு வருகிறது. ஆம்... ஜெயா தொலைக்காட்சிக்கு இப்போது மட்டுமல்ல, எப்போதும் அவர் தான் முதலமைச்சர்.


அது காலம் முழுக்க ஜெயலலிதா அம்மையாரின் சிறப்புகளைச் சொல்வதற்காகவே உருவாக்கப்பட்டு செயல்பட்டு வரும் தொலைக்காட்சி. தேர்தல் தோல்வி என்றால் கூட அடுத்த சில நிமிடங்களில் தேர்தல் செய்திகள் கூட அதில் வராது. முதலமைச்சர் பதவி இல்லையென்றாலும் அதற்கு ஜெயலலிதா தான் முதல்வர். "மக்கள் முதல்வர்" என்ற பெயரை உருவாக்கிக் கொடுத்ததும் அதுதான்.

ஜெயலலிதா மீண்டும் ஜெயித்த போது இரட்டிப்பு போனசெல்லாம் வழங்கி மகிழ்ந்திருக்கிறார். பணியாற்றிய அனைவருக்கும், பதவி வேறுபாடற்று ஒரு லட்சம் ரூபாய் போனஸ் வழங்கியெல்லாம் கூட கொண்டாடியிருப்பதாகக் கேள்விப்பட்டிருக்கிறேன்.

அதிமுக என்ற கட்சியினுடையது என்றெல்லாம் அந்தத் தொலைக்காட்சியைச் சொல்ல முடியுமா என்று தெரியவில்லை. பிற கட்சி ஊடகங்களைப் போல, அதன் இரண்டாம் கட்ட, வருங்காலத் தலைவர்களுக்கெல்லாம் முக்கியத்துவம் தராதது. அது முற்றும் முழுதாக ஜெயலலிதா அவர்களின…

ராகு காலம் பார்த்தாரா வீரமணி?

இணைய தளத்தில் அவதூறாகப் பேசியதாக தொடரப்பட்ட சின்மயி விவகாரம் குறித்து புத்தகம் எழுதிய விமலாதித்த மாமல்லன் என்பவர், தனது வலைத்தளத்தில் திராவிடர் கழகத் தலைவர் கி.வீரமணி அவர்கள் குறித்து அவதூறு பரப்பியுள்ளார். அதைச் சில அறிவிலிகளும் பரப்பிக் கொண்டிருக்கின்றன.
//பெரியவர், தம் வீட்டுப் பிள்ளையின் திருமணத்துக்குப் பெண் தேடிக்கொண்டிருக்கும் சமயத்தில், தி.க. வீரமணி அவர்களின் பேத்தி திருமணத்துக்கு இருப்பதாகத் தெரிய வரவே அவருடன் தொடர்புகொண்டிருக்கிறார். இருவரும் பலவருடங்களாய் ஒருவருக்கொருவர் நன்கு தெரிந்தவர்கள் என்பதால் மகிழ்வுடன் அளவளாவத் தொடங்கிவிட்டனர். பெண்பார்க்க வரும் நாளையும் முடிவுசெய்துகொண்டனர். அன்று மாலை ஒரு நான்கரை மணி வாக்கில் வருகிறோம் என்று கூறியிருக்கிறார் பெரியவர். நாலரை வேண்டாம் அன்றைய தினம் நாலரை ஆறு ராவுகாலம் எனவே அதற்கு அப்புறமாக வாருங்கள் என்றிருக்கிறார் திரு. தி.க.வீரமணி.//
யார் இந்தத் தகவலை திரு.விமலாதித்த மாமல்லன் அவர்களுக்குச் சொன்னவர்? அந்தப் பெரியவரேவா? இல்லை. அந்த சோ கால்ட் பெரியவரின் உறவினராம். அவர் என்ன வகை உறவினர்; எத்தனை விட்ட உறவினர் என்பதெல்லாம் தெரியவில்லை.
ச…