முதன்மை உள்ளடக்கத்திற்குச் செல்

சமா @ 70

எம் பாதை... 
எம் பயணம்... 
அத்தனையும் 
நீ விட்ட வழி!

எம் பார்வை...
எம் நோக்கு...
அத்தனையும் 
நீ தந்த விழி!

எம் வாழ்வின்
பக்கங்களை
நாங்களே செதுக்க...
உளி செய்து தந்தது நீ!

எமைத் தூக்கிச் சீராட்டி
நீ ரசித்ததைப் போல,
உன் பார்வை முதல்
பல்லால் மேலுதடு கடிக்கும்
உன் பழக்கம் வரை 
ரசித்தபடியே வளர்ந்தோம்!

உலகை ரசிக்க
நீதான் கற்றுத் தந்தாய்!
உலகை ரசித்துக் கொண்டுமட்டும் 
இராதே என்று நீயே சொன்னாய்!

கண்டதையும் படிக்காதே
என்று கண்டித்தாய்!
கடல்புறா படித்த போது
சாண்டில்யனிடம் 
வர்ணனைகள் அதிகம்
என்று சலித்துக் கொள்வதுபோல்
பெய்து கொண்டிருந்த
மழையை 
வாசலில் நின்று
ரசித்தபடி
நான் வாசிப்பதை 
அங்கீகரித்தாய்!

அதே மழையில்... 
கண்மாய் மீன்கள் 
எதிர்த்து வரும் 
என்று குடையில் 
மீன்பிடிக்கக் 
கற்றுக் கொடுத்தாய்!
பிடித்த மீன்களை
’பாவம்...’ என்று
மீண்டும் தண்ணீரில் விட்டு
பின்... மழையில் 
ஏன் நனைந்தாய்
என்று நீயே வந்து
மருந்து கொடுத்தாய்!

கிறுக்கன் மாதிரி
பாடிக் கொண்டே
இருக்காதே என்பாய்!
பாடலை ரசித்துப் பாட
எங்களுக்குத் தெரியாமல்
பாடமெடுப்பாய்!

முரண்பாடாய் சிலருக்குத்
தெரிவாய் நீ!
எமக்கும் கூட சில நேரம்...!
உற்று நோக்கினாலோ
முற்றும் உணர்ந்தாலோ தான்
உணர முடியும்
உன்னையும்
உண்மையையும்.

’எதையும் திணிக்காமல்
ஆர்வம் விதைக்க...
எதிர்ப்பது போல்
நடிப்பது
நீ 
கைக்கொண்ட
வித்தை’
என்பது தான்
என் ஆய்வின் துணிபு!

பட்டதைப் பட்டென்று
பேசும் உன் பழக்கத்தால்
நீ செய்த உதவிகளும்
பலருக்கு மறந்து போகும்!
அதில் உன் நற்குணம்
அவர்கள் பார்வையினின்று
மறைந்து போகும்!

நன்றியை எதிர்நோக்கி
நயந்து சிரிப்பதை விட,
உண்மையை வெளிக்காட்டுவதில்
ஒரு நட்டமுமில்லை என்பதை
உணர்த்துபவன் நீ!

’5 வயதில் வியந்து பார்த்தவன்
20 வயது எரிந்து பார்ப்பான்
40 வயதில் தான் மீண்டும் உணர்வான் தந்தையை!’
என்று பொது்வாய்ச் சொல்வார்கள்.

எம் 5 வயதிலிருந்து
ஒருநாளும்
வியப்பு அகலவில்லை...
நொடிப் பொழுதும்
உன் உழைப்பு நீங்கவில்லை...


மாசிலா மனிதநேயத்தை
மாறா கொள்கை உறுதியை
உருக்காய் எம்மில் 
ஊற்றினாய்!
மனிதத்தை விட
மாபெரும் சொத்தில்லை என
மனதில் நாட்டினாய்!

எமைத் தந்தாய்...
எம் அருமைத் தந்தாய்...
வாழ்க சிறந்து..!
வாழ்க.. வாழ்க!

கருத்துகள்

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

ஜெயா தொலைக்காட்சிக்கு என் இரங்கல்!

ஜெயா தொலைக்காட்சியில் மூடிக் கிடக்கும் போயஸ் தோட்டத்தின் கதவுகளைக் காட்டியபடி, முதலமைச்சரின் மறைவுச் செய்தி ஒளிபரப்பப்பட்டு வருகிறது. ஆம்... ஜெயா தொலைக்காட்சிக்கு இப்போது மட்டுமல்ல, எப்போதும் அவர் தான் முதலமைச்சர்.


அது காலம் முழுக்க ஜெயலலிதா அம்மையாரின் சிறப்புகளைச் சொல்வதற்காகவே உருவாக்கப்பட்டு செயல்பட்டு வரும் தொலைக்காட்சி. தேர்தல் தோல்வி என்றால் கூட அடுத்த சில நிமிடங்களில் தேர்தல் செய்திகள் கூட அதில் வராது. முதலமைச்சர் பதவி இல்லையென்றாலும் அதற்கு ஜெயலலிதா தான் முதல்வர். "மக்கள் முதல்வர்" என்ற பெயரை உருவாக்கிக் கொடுத்ததும் அதுதான்.

ஜெயலலிதா மீண்டும் ஜெயித்த போது இரட்டிப்பு போனசெல்லாம் வழங்கி மகிழ்ந்திருக்கிறார். பணியாற்றிய அனைவருக்கும், பதவி வேறுபாடற்று ஒரு லட்சம் ரூபாய் போனஸ் வழங்கியெல்லாம் கூட கொண்டாடியிருப்பதாகக் கேள்விப்பட்டிருக்கிறேன்.

அதிமுக என்ற கட்சியினுடையது என்றெல்லாம் அந்தத் தொலைக்காட்சியைச் சொல்ல முடியுமா என்று தெரியவில்லை. பிற கட்சி ஊடகங்களைப் போல, அதன் இரண்டாம் கட்ட, வருங்காலத் தலைவர்களுக்கெல்லாம் முக்கியத்துவம் தராதது. அது முற்றும் முழுதாக ஜெயலலிதா அவர்களின…

ராகு காலம் பார்த்தாரா வீரமணி?

இணைய தளத்தில் அவதூறாகப் பேசியதாக தொடரப்பட்ட சின்மயி விவகாரம் குறித்து புத்தகம் எழுதிய விமலாதித்த மாமல்லன் என்பவர், தனது வலைத்தளத்தில் திராவிடர் கழகத் தலைவர் கி.வீரமணி அவர்கள் குறித்து அவதூறு பரப்பியுள்ளார். அதைச் சில அறிவிலிகளும் பரப்பிக் கொண்டிருக்கின்றன.
//பெரியவர், தம் வீட்டுப் பிள்ளையின் திருமணத்துக்குப் பெண் தேடிக்கொண்டிருக்கும் சமயத்தில், தி.க. வீரமணி அவர்களின் பேத்தி திருமணத்துக்கு இருப்பதாகத் தெரிய வரவே அவருடன் தொடர்புகொண்டிருக்கிறார். இருவரும் பலவருடங்களாய் ஒருவருக்கொருவர் நன்கு தெரிந்தவர்கள் என்பதால் மகிழ்வுடன் அளவளாவத் தொடங்கிவிட்டனர். பெண்பார்க்க வரும் நாளையும் முடிவுசெய்துகொண்டனர். அன்று மாலை ஒரு நான்கரை மணி வாக்கில் வருகிறோம் என்று கூறியிருக்கிறார் பெரியவர். நாலரை வேண்டாம் அன்றைய தினம் நாலரை ஆறு ராவுகாலம் எனவே அதற்கு அப்புறமாக வாருங்கள் என்றிருக்கிறார் திரு. தி.க.வீரமணி.//
யார் இந்தத் தகவலை திரு.விமலாதித்த மாமல்லன் அவர்களுக்குச் சொன்னவர்? அந்தப் பெரியவரேவா? இல்லை. அந்த சோ கால்ட் பெரியவரின் உறவினராம். அவர் என்ன வகை உறவினர்; எத்தனை விட்ட உறவினர் என்பதெல்லாம் தெரியவில்லை.
ச…