முதன்மை உள்ளடக்கத்திற்குச் செல்

துப்பட்டா போட்டால் தான் ஆதார் அட்டையா?


ஆதார் அடையாள அட்டைக்குப் புகைப்படம் எடுக்கப்போனால் துப்பட்டா போட்டுக் கொண்டு வந்தால் தான் படம் எடுப்போம் என்று திருப்பி அனுப்புகிறார்களாம். துப்பட்டாவிலும் லேசாக இருப்பதைப் போட்டாலும் திருப்பியனுப்புகிறார்களாம். நான் என்ன உடை போட்டால் உனக்கென்ன? பாஸ்போர்ட் சைஸ் போட்டோ தானேன்னு நான் பேண்ட் கூடத் தான் போடாமப் போய்ருந்தேன்னு விவேக் சொல்ற மாதிரி, நான் எப்படி இருக்க வேண்டும் என்பதை முடிவு செய்ய இவர்கள் யார்? 
http://indiatoday.intoday.in/story/aadhaar-card-photo-dupatta-uidai/1/273873.html

அதிகாரம் கையில் இருக்கு என்ற துணிச்சலில் இவனுங்க கொடுக்கும் கொடைச்சல் தாங்க முடியாததாக இருக்கிறது. தாடியை சரச்சிட்டு வா, மீசைக்குப் பெயிண்ட் அடிச்சுட்டு வா-ன்னு எல்லாம் கேட்பானுங்க போல! துப்பட்டா போடாதது தான் ஒரு பெண்ணின் அடையாளமாக இருக்கும் பட்சத்தில், துப்பட்டா போட்டு நீ எடுக்கச் சொல்லும் படம், அவளது அடையாளத்தையே அழிப்பதல்லவா? 


நான் கடவுச் சீட்டுக்காக விண்ணப்பித்தபோது, ‘டி-சர்ட் போட்ட போட்டோ வேண்டாம்,’ ‘கருப்பு போடாதீங்க’ என்று அறிவுரை சொன்னார்கள். எனக்கு ஏகக் கடுப்பாகிவிட்டது. (எப்போதும் கருப்புச் சட்டையுடன் தான் மார்பளவு படம் எடுப்பது என் வழக்கம்.) ”இதற்காக என் விண்ணப்பம் நிராகரிக்கப்படுமேயானால், ஏன் நிராகரித்தார்கள் என்பதை அவர்கள் எழுதிக் கொடுக்காமல் அங்கிருந்து நகர மாட்டேன். கருப்பில் தான் படம் கொடுப்பேன். டி-சர்ட் போட்டால் என்ன? நெக் பனியன் போட்டால் என்ன? இவனுகளுக்காக கோட் சூட் போட்டெல்லாம் போய் நிற்க முடியாது. சாமியாரெல்லாம் பாஸ்போர்ட் வாங்கணும்னா, காவியைக் கழட்டிட்டுவான்னு சொல்வானா? விடுங்க, என்ன பண்றாய்ங்கன்னு பாத்துடுவோம்” என்று சொல்லிவிட்டு, கருப்புடையுடன் தான் விண்ணப்பித்தேன். கடவுச்சீட்டும் பெற்றேன். துப்பட்டா போட்டால் தான் படமெடுப்பேன்னு எவனாவது சொன்னால், கடும் எதிர்ப்பைப் பதிவு செய்யவேண்டும். அப்படியென்றால் பெண்கள் டி-சர்ட், சட்டை போட்டால் படம் எடுக்க மாட்டனா? எவன் அவன்?


கருத்துகள்

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

ராசா வீடா? நவீன கோயபல்ஸ்களின் புளுகு அம்பலம்

”அய்யய்யோ... பாருங்கள்! இது தமிழ்நாட்டில் கட்டப்பட்டிருக்கும் ஆ.ராசாவின் வீடு... எவ்வளவு மோசமானவர்கள் பாருங்கள்!” என்ற தொனியில் மின்னஞ்சல் ஒன்று அனைவர் முகவரிக்கும் ஓலமிட்டு வருகிறது. நீங்களும் கூட அதனைப் பார்த்திருக்கக் கூடும். இதோ அந்த மின்னஞ்சலின் நகல்.

------------------------------------------------------------Spectrum Raja'sHouse ....in Tamil Nadu
...Hold YOUR breath.









செருப்பொன்று போட்டால் சிலை ஒன்று முளைக்கும்!

இன்றொரு வரலாற்றுக் குறிப்புநாள். 'பெரியார்' படத்தில் பெரியாரின் மீது செருப்பு வீசப்படும் காட்சி அனைவருக்கும் நினைவிருக்கும். திரையரங்கில் பெரும் கைதட்டல்களை அள்ளிய காட்சிகளில் அதுவும் ஒன்று. திரைப்படத்திற்கான கால சமரசம் உள்ளிட்ட பிற காரணங்களுக்காக அந்தக் காட்சியில் சில மாற்றங்கள் உண்டு. உண்மையில் நடந்த நிகழ்வு இன்னும் சுவாரஸ்யமானது.
ஆண்டு-1944: கடலூர் மாவட்டம் உள்ள மஞ்சக்குப்பம் பகுதியில் 'தென்னாற்காடு மாவட்ட திராவிடர் மாநாடு' நடைபெற்றது. கடும் மழையிலும் தந்தை பெரியார் எழுச்சியுரையாற்றுகிறார். கூட்டம் முடிந்து பெரியார், தொண்டர்கள் புடைசூழ கைவண்டி ரிக்சாவில் வைத்து திருப்பாதிரிப்புலியூர் தொடர்வண்டி நிலையத்திற்கு அழைத்துச் செல்லப்படுகிறார்.

பெரியாரும் தோழர்களும் கடிலம் நதி பாலத்தைக் கடக்கும்போது எங்கும் இருட்டு சூழ்ந்திருக்கிறது. அப்போது பெரியாரின் மீது பாப்பு வீசப்படுகிறது. தோழர்கள் பாம்பு, பாம்பு எனக் குரல்கொடுக்க, பின்னர் அது தண்ணீர் பாம்பு என்பதால் தொடர்ந்து பாலத்தைக் கடந்துவிட்டனர். சிறிது தூரம் சென்றபின், பெரியார் வண்டியைத் திருப்பச் சொல்லியிருக்கிறார். வந்த திசையில…