முதன்மை உள்ளடக்கத்திற்குச் செல்

"தீராத விளையாட்டுப் பிள்ளை" Part -1


"என்னத்த சொல்றது? கலி முத்திடுத்து... பாருங்கோ இந்தப் புள்ளாண்டானை எல்லாரும் என்னமா நம்பிண்டிருந்தா.... இப்போ என்னடான்னா... இப்படி நடந்திண்டிருக்கானே.. ஹிந்து மதத்துக்கே அவமானம். நம்ம மதத்தையே அசிங்கப்படுத்துற இந்த மாதிரி ஆசாமிகளையெல்லாம் என்ன பண்றதுன்னே தெரியலை... ஈஸ்வரா?" என்று திருவண்ணாமலை அருணாசலேஸ்வரரை நோக்கி தொழுகிறார்களாம்.


அருணாசலேஸ்வரப் பெருமானின் அருள்பார்வை விழும் திருவண்ணாமலையில் தானே இத்தனையும் நடந்திருக்கிறது. அதைக் கண்டு கொள்ளாதவனிடம் இதைக் கேட்கலாமா? அதெப்படி அவர் கண்டு கொள்வார்? அங்கே நடந்தது சிவலிங்க பூஜைதானே!
இதுவாவது அருணாசலேஸ்வரரின் பேரில் அவரது ஊர்க்காரரால் நடந்தது. கண்டுகொள்ள முடியாமல் போய்விட்டது என்று சொல்லலாம்.

இன்னொரு ஈஸ்வரரான மச்சேஸ்வரரின் சன்னதியிலேயே தேவநாத லீலைகள் நடந்தபோதும் அல்லவா அவர் கண்டுகொள்ளாமல் இருந்தார். பிறகு அவரிடம் முறையிட்டு என்ன பயன்?

இங்கேயெல்லாம் கடவுளின் கண்கள் வேலை செய்தனவோ இல்லையோ, கேமராவின் கண்கள் ஒழுங்காக வேலை செய்திருக்கின்றன என்பதை நம்மால் தெளிவாகப் (:P) பார்க்க முடிகிறது.

எல்லா படங்களையும் இவர்களே வாங்கி விநியோகிக்கிறார்கள் என்று அங்கலாய்ப்போர் வாய்க்கு அவலாக, நித்தியானந்தாவின் லீலா விநோதக் காட்சிகளும் வந்துசேர, அதையும் தீராத விளையாட்டுப் பிள்ளை விளம்பரத்தை விடவும், அதிக விளம்பரங்களுடன் விநியோகித்தது. அந்த தியான பீட விளையாட்டும் சூப்பர் ஹிட்டாம்!

2-ஆம் தேதி இரவு முதல் நேற்று வரை, ஏன் இன்றும் கூட தொடர்ந்து கலக்கி வருகிறார் நித்தி. ரஞ்சிதாவா? ராகசுதாவா? இல்லை வேறு 'ஆர்' எழுத்து நடிகையா என்றெல்லாம் நேற்று முன்னிரவு இருந்த குழப்பத்தை நக்கீரன் படம் போட்டு தீர்க்க, 'போதாது... சன் டி.வி-யின் ஒரு நாள் சஸ்பென்சை பார்த்துத் தான் தீர்த்துக் கொள்வோம்' என்று விரதமிருந்த பலருக்கு அதையும் சன் குழுமம் சொன்ன பின்னர் தான் ஓய்ந்தது.

நேற்று காலை முதல், பதிவர்கள் மடை திறந்த வெள்ளமென, போட்ட பதிவுகளில் எண்ணற்ற பஞ்ச் டயலாக்குகள்! எதைத் திறந்தால்... எது வரும்? என்ற எல்லா permutation, combination களும் முடிந்து விட்டதாகக் கேள்வி. ஒரு வழியாக நித்தி துவைத்துக் காயப்போடப்பட்டார். இதில் 'சாறு' பிழிந்தவர்கள் பட்டியல் தனி. அண்ணாச்சியை தனது வடிவமைப்பையே மாற்றிக் கொள்ள வைத்துவிட்டார்கள்.

அது சரி, சாரு யாரிடமும் பந்தயம் கட்டியிருந்தாரா என்ன? பாவம், பாதி மீசையோடு காட்சி தருகிறாரே! மீதப் பாதியில் மீசை இருக்கிறதா இல்லையா? அல்லது அது மண் ஒட்டிய பாதியா? என்றெல்லாம் எழும் கேள்விகளுக்கு.... (அட... எனக்கில்லீங்க) விரைவில் பதில் கிடைக்கக்கூடும்.


இப்போதைக்கு, ஒரு நாள் பதில் போடாமைக்கு, தனது மனைவியின் உயிரை மீட்கும் பொறுப்பே காரணம் என்று தெளிவுறுத்தியிருக்கிறார். இருந்தாலும், புற்று நோய் தீர்த்த கதையைப் பின்(நவீன!%*#)வருமாறு நிறுவுகிறார்.

(நாங்கதான் சொல்றோம்ல... மீசைல மண் ஒட்டலை.. மண் ஒட்டலை..ன்னு!
சார் அப்ப அந்த இன்னொரு பக்க மீசை....?
யோவ் விடமாட்டீங்களா?)


இன்னொரு பக்கம், என்ன சொல்வதென்று தெரியாமல், "ஊடக சண்டியர்த்தனம்" என்று சன் டி.வி.-யின் மீது வள்ளென்று விழுந்தவர்களும், மனித உரிமை மீறல் என்று கண்டனம் போட்டவர்களும் "பந்தை உதைக்க முடியாவிட்டாலும், காலையாவது உதைப்போம்" என்று உதைத்துக் கொண்டிருக்கிறார்கள்.

காமெடி பீஸ் ஜெயமோகனோ, " திட்டமிட்ட சிறுமைப்படுத்தல்", "ஊடகப் படையெடுப்பு", "ஊடக மோசடி" என்றெல்லாம் பசப்பி காவி உடைக்கும் இந்து
ஞான மரபுக்கும் இன்னும் மகத்துவம் இருப்பதாக பக்கா 'ஆர்.எஸ்.எஸ். பிராண்டு கதை'த்துக் கொண்டிருக்க, ருத்ர தாண்டவம் எடுத்து பீஸ்பீஸாக்கிவிட்டார் மருத்துவர் ருத்ரன்.

எத்தனை சுட்டிகள் தான் கொடுப்பது...? ஒவ்வொருவரின் பதிவிலும் ஒவ்வொரு பஞ்ச்... வினவு, மாதவராஜ், மதிமாறன், அக்னிப்பார்வை, தமிழ்ஓவியா என்று எத்தனை window-களில் எத்தனை tab-கள் திறந்து வைத்தாலும் பற்றாத அளவுக்கு பதிவுகள்.

சரி, இத்தனைக்கும் பிறகு நாம் என்னதான் எழுதுவது? இப்படிப்பட்ட நேரங்களில் ஒதுங்கி நின்று வேடிக்கை பார்ப்பது சாலச் சிறந்தது. ஏனெனில் ஏமாந்தவர்கள் அதை உணர்ந்திருக்கும் நேரத்தில் அவர்களிடம் போய் 'நல்லா ஏமாந்தாயா?' என்று கேட்காமல் சிந்திக்க கொஞ்சம் அவகாசம் தரலாம் என்று தான் முதலில் நினைத்தேன். செய்தி வந்த சில நிமிடங்களில், gmail, facebook என எல்லாவற்றிலும் status message update செய்ததும், அண்ணன் உண்மைத்தமிழன் வந்து, "சான்ஸ் கிடைச்சவுடனே போட்டுத் தாக்குற..?" என்று வேறு கேட்டுவிட்டுப் போய்விட்டார். "உங்களுக்குன்னு வந்து மாட்றாய்ங்க சார்" என்றார் புரோட்டா கடைக்காரர். நாம் சான்ஸ் கிடைத்தால் மட்டுமல்ல.. எப்போதுமே போட்டுத் தாக்குவபவர்கள் என்பதால் வேடிக்கை மட்டும் பார்த்து வந்தேன்.

ஆனால் அந்த அவகாசத்தில், நம்பிக்கையின்மையிலிருந்து விடுபட்டு, அமைதி தேட இன்னொருவனிடம் கிளம்பிவிட்டால் என்ன செய்வது? அப்படி மக்கள் மயங்கிவிடாமல் இருக்கவே பல முனைத் தாக்குதல்கள் நண்பர்களால் நடத்தப்பெற்று, முற்றிலும் அந்த மாயை உடைக்கப்பட்டிருக்கிறது.
அதுவரை மகிழ்ச்சியே!

எனினும் சில கேள்விகளும், கருத்துகளும் இருக்கவே செய்கின்றன.

இந்தப் பதிவு எழுதிக் கொண்டிருக்கும்போது நண்பன் சந்திரசேகர் வந்து
"நண்பா, 2 வத் பாகம் 3 வது பாகம் எல்லாம் இல்லியா? :(" என்று கேட்டான்.
"ஒரு ஹீரோயின் போரடிக்கும் என்பதால், அடுத்தடுத்த பாகங்களில் வெவ்வேறு ஹீரொயின்கள் கூட வரலாம். ஏனெனில், கொழுத்துத் திரிந்தவன் ஒன்றோடு விட்டிருக்க நியாயமில்லை.
மேலும், ஹீரோ மாற வேண்டிய அவசியமில்லை. ஹீரோயின் மாற வேண்டும் என்பதுதானே சினிமா விதி" என்றேன். அதன் படி, அங்கே அடுத்தடுத்த பாகங்கள் வருகின்றனவோ இல்லையோ, எனது கேள்விகளோடு அடுத்த பாகத்தில் வருகிறேன். (தீராத விளையாட்டுப் பிள்ளை - Part 2) இது வேற.....!


கருத்துகள்

RVC இவ்வாறு கூறியுள்ளார்…
ரெடி... ஸ்டார்ட் ம்யூசிக்... :)
RVC இவ்வாறு கூறியுள்ளார்…
நித்தியைக் கும்முபவர்கள் யாராக இருந்தாலும் பொதுமக்கள் பார்க்கும் வண்ணம் மேடையில் வந்து கும்மும்படி விழாக் கமிட்டியினரால் அன்போடு கேட்டுக்கொள்ளப்படுகிறார்கள்..!
PRINCENRSAMA இவ்வாறு கூறியுள்ளார்…
அதான்... ஏற்கனவே கும்மி காயப்போட்டிருக்காங்களே! அதனால்... 'காய'ப் போட்டதை அடிப்பவர்களும் கூட வரலாம்.
PRINCENRSAMA இவ்வாறு கூறியுள்ளார்…
btw, no double meaning!
அக்னி பார்வை இவ்வாறு கூறியுள்ளார்…
என்ன ஓய் நோக்கு விஷ்யமே தெரியாதா, ராமகோபாலன் தெளிவா விளக்கினாரு.அது நித்தியானந்த சுவாமிகளே இல்லையாம், அவரை போலவே இருக்கிற வேறு யாரோவாம், அட சீ யார் முகத்துமேலேயோ க்ராபிக்ஸ் பண்ணிட்டாளாம். எல்லாம் ஹிந்து மதத்த அழிக்க நடக்கற சதியாம்..

ரசித்த ஹரன்பிரசன்னவின் டிவிட்டர்:
நித்தியோடு சேர்ந்து சாரு சாமியார் ஆவர்னு பார்த்தா, சாருவோடு சேர்ந்து நித்தி இப்படியாயிட்டாரே?

குமுதம் உஷார ஒன்னுமே நடக்காத மாதிரி ரியக்ட் பண்றான்..

ஒரே டவுட், இப்ப இவர் ஜெயிலுக்கு போன கத திறந்து வைப்பாங்களா மூடி வைப்பாங்களா? ‍‍‍‍‍
Sukumar Swaminathan இவ்வாறு கூறியுள்ளார்…
அருமை..
சுட்டி கொடுத்ததற்கு நன்றி நண்பரே....
Joe இவ்வாறு கூறியுள்ளார்…
படித்தேன், ரசித்தேன்... ;-)

இந்த வலைப்பதிவில் உள்ள பிரபலமான இடுகைகள்

எச்சரிக்கிறான் சரவணன்!

எச்சரிக்கிறான்
சரவணன்!
இது செய்யத்
துணிந்தவர்கள்...
எதுவும் செய்யத்
துணிவார்கள்!

உயர்கல்விக்கு
நுழையும் போதே
மருத்துவரின்
உயிரை உறிஞ்சுகின்றன
ஊசிகள்!



எச்சரிக்கிறான்
சரவணன்!
இந்தியாவெங்கும்
சென்று பிணமாகத்
தயாரானால்
எழுதுங்கள்
நீட் தேர்வு!

முனைவராகும் முன்னே
முறிக்கப்படும்
ஆய்வு இறக்கைகள்!
கேட்காமலே இட ஒதுக்கீடு
வேமுலாவுக்கு அடுத்து
இடுகாட்டில்!

'என் சாவுக்கு யாரும் காரணமில்லை'
என்ற கடைசி வரிகளோடு
'யுவர்ஸ் சின்சியர்லி'க்குப் பிறகு
பெயர் சேர்க்க வசதியாய்
அய்.அய்.டி.களில் கிடைக்கின்றன
கடித நகல்கள்!

இழுத்தடிக்கும் பூணூல்களிடமிருந்து
விடுபட
சென்ட்ரல் யுனிவர்சிட்டி
கேம்பஸ் ஸ்டோர்களில்
குறைந்த விலையில்
தூக்குக் கயிறுகள்!

உயர்குடிக்கே
உயர்கல்வி !
பிறர் நுழைந்தால்
'உயிர்' குடிக்கும்
என்பதறிக!

பனியன் தைக்க
ஊசியெடுப்பவன் பிள்ளைக்கு
உயர் மருத்துவனாகி
ஊசியெடுக்க
ஆசையா?

தூண்டியது
நடக்காவிட்டால்
தூண்டியவர்களே
ஆயுதம்
தூக்குவார்கள்!
நூலிய சிந்தனை
தூக்கத் தொடங்கியிருக்கிறது
ஊசிகளை!

நூலியம்
பதறுகிறது...
கடிதத்தில்
கையெழுத்திடவும்
கணம் தரமுடியாது.

எச்சரிக்கிறான்
சரவணன்!
நூல்கள்
அ…

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

ஜெயா தொலைக்காட்சிக்கு என் இரங்கல்!

ஜெயா தொலைக்காட்சியில் மூடிக் கிடக்கும் போயஸ் தோட்டத்தின் கதவுகளைக் காட்டியபடி, முதலமைச்சரின் மறைவுச் செய்தி ஒளிபரப்பப்பட்டு வருகிறது. ஆம்... ஜெயா தொலைக்காட்சிக்கு இப்போது மட்டுமல்ல, எப்போதும் அவர் தான் முதலமைச்சர்.


அது காலம் முழுக்க ஜெயலலிதா அம்மையாரின் சிறப்புகளைச் சொல்வதற்காகவே உருவாக்கப்பட்டு செயல்பட்டு வரும் தொலைக்காட்சி. தேர்தல் தோல்வி என்றால் கூட அடுத்த சில நிமிடங்களில் தேர்தல் செய்திகள் கூட அதில் வராது. முதலமைச்சர் பதவி இல்லையென்றாலும் அதற்கு ஜெயலலிதா தான் முதல்வர். "மக்கள் முதல்வர்" என்ற பெயரை உருவாக்கிக் கொடுத்ததும் அதுதான்.

ஜெயலலிதா மீண்டும் ஜெயித்த போது இரட்டிப்பு போனசெல்லாம் வழங்கி மகிழ்ந்திருக்கிறார். பணியாற்றிய அனைவருக்கும், பதவி வேறுபாடற்று ஒரு லட்சம் ரூபாய் போனஸ் வழங்கியெல்லாம் கூட கொண்டாடியிருப்பதாகக் கேள்விப்பட்டிருக்கிறேன்.

அதிமுக என்ற கட்சியினுடையது என்றெல்லாம் அந்தத் தொலைக்காட்சியைச் சொல்ல முடியுமா என்று தெரியவில்லை. பிற கட்சி ஊடகங்களைப் போல, அதன் இரண்டாம் கட்ட, வருங்காலத் தலைவர்களுக்கெல்லாம் முக்கியத்துவம் தராதது. அது முற்றும் முழுதாக ஜெயலலிதா அவர்களின…