தமிழர்கள் தூக்கிச் சுமந்த மூத்திரச் சட்டி!

ராமன், அனுமன் வேடங்களில் இருப்போர் ஒன்னுக்கு அடிப்பதைப் போன்ற திரைப்பட சுவரொட்டி பற்றிய எமது பதிவுக்கு பின்னூட்டமிட வந்த அனானி ஒருவர் பெரியார் மூத்திரம் இருப்பதைப் போன்ற படத்தை சுவரொட்டியாக அடித்து ஒட்ட விரும்பியிருக்கிறார். அவருக்கு உதவியாக இருக்கட்டுமே என்று...
___________________________________________________________________

பெரியார் ஒன்னுக்கு அடிப்பதைப் போன்ற படத்துக்காக அவ்வளவு சிரமப்படவெல்லாம் வேண்டாம். மூத்திரம் வெளியேறும் போதெல்லாம் 'அம்மா அம்மா' என்று அலறித் துடித்தபிறகும், தன்னை ஆசுவாசப்படுத்திக்கொண்டு தன் மக்களுக்காக பிரச்சாரம், பயணம் என்று சுற்றிய பெரியாரையும் அவரது மூத்திரச் சட்டியையும் தூக்கிச் சுமந்தவர்கள் தமிழர்கள்!அதனால் அந்தப் படத்தை தாராளமாக தமிழகமெங்கும் போஸ்டர் அடித்து ஒட்டுங்கள்.. அப்போதுதான் இன்றைய தமிழனுக்கு பெரியாரின் பெருங்குணமும் அவரது கடும் உழைப்பும் விளங்கும்! அனானியின் இந்த முயற்சிக்கு நாம் துணை நிற்போம்! அதற்காக அந்த புகைப்படங்களை பதிவாக இடுவதில் நாம் பெருமை கொள்கிறோம்.

ஒவ்வொரு சொட்டாக மூத்திரம் இறங்கும் போதெல்லாம் வலியால் துடித்து

முகம் சிவந்தபடி தன் பயணத்தைத் தொடர்ந்த ஒப்பற்ற சமுதாயப் பணியாளர்
தங்களுக்காக உழைத்த தலைவனை தூக்கிச் சுமந்த தமிழினம்... (பெரியாரின் மூத்திரச் சட்டியைச் சுமப்பவர் புலவர் இமயவரம்பன். இடம்: காரைக்குடி என்.ஆர்.சாமி கடை)

பெரியாரின் ஓய்வுக்குப் பிறகு ஓய்வு கொண்ட மூத்திரச் சட்டி...

தலைப்புக்குப் பின் குறிப்பு:
இந்தப்பதிவின் தலைப்பு ஏற்கனவே நம் பதிவர் ஒருவர் வைத்திருந்தது தான்.. இந்தப் பதிவுக்கு அதை விட சரியான தலைப்பு கிடைக்காது என்பதால் அதையே பயன்படுத்திக் கொள்கிறோம்