முதன்மை உள்ளடக்கத்திற்குச் செல்

டிஜிட்டலில் கரையும் டேட்டா?

ஹார்டு டிஸ்குகளில் கண்ணுக்குத் தெரியாத காரணங்களால் காணாமல் போகும் கோப்புகளைப் பற்றி அறிந்ததும், ஏற்படுகிற மனநிலை - அணுகுண்டு வீச்சில் அழிந்துபோன நகரங்களில் உறவுகளைத் தேடுகிற மனநிலை! சுவடே இல்லாமல் அழிந்துபோய்விடும் அவற்றைப் பதிவு செய்யவோ, காக்கவோ நாம் எடுத்துக் கொள்ளும் முயற்சிகள் எல்லாம் நொடியில் சிலிக்கான் பொதிகளுக்குள் கரைந்துபோய்விடுகின்றன.
ஹெட் கடித்தாலும் மிச்சமிருக்கும் ஒலி/ஒளிப்பேழையின் (கேசட்) மேக்னடிக் டேப்பை செலோ டேப் கொண்டு ஒட்டி பத்திரப்படுத்தும் அளவிற்குக் கூட பாதுகாப்பில்லை. சிடிகள் நொறுங்கினால் 700 எம்பி, டிவிடி தெறித்தால் 4.7 ஜிபி, ஹார்ட் டிஸ்குகள் காணாமல் போனாலோ ஒன்றிரண்டு டிபி என நம் வரலாற்றை, படைப்பை காணாதடித்து நம் பிபியை வெகுவாக எகிற வைத்துவிடுகின்றன.
கடந்த தலைமுறை பிலிமாகவும், புத்தகமாகவும், படங்களாகவும் காத்து வைத்தவைகளை முழுமையான செலவுவைக்கும் தீர்வுகளுக்குப் போகமுடியாத நம் எளிய (சிடி, டிவிடி, ஹார்ட் டிஸ்குகள் போன்ற) டிஜிட்டல் முயற்சிகள் ஒட்டுமொத்தமாக இல்லாமல் செய்துவிடுகின்றன. கிழிந்த தாள்களை ஒட்டியோ, சிதைந்த படத்தின் மீது வரைந்தோ அவற்றை மீட்டமைக்க முடியாது.


தொட்டுணரவோ, பார்த்தறியவோ முடியாத டிஜிட்டல் கா(ர்)டுகளுக்குள் தொலைத்துவிட்டு எங்கே தேடுவதென அலைந்துகொண்டிருக்கிறோம் பலர்! என்னென்ன போனதென்ற பட்டியலும் அதனுடனே சேர்ந்து போய்விடுகிறது. எதையெல்லாம் இழந்தோம் என்பதறியாமல் ஹூ ஆம் அய் ஜாக்கிசான் போலவோ, வெற்றிவிழா கமல் போலவோ அலையப் போகிறோம்.
இந்த லட்சணத்தில் ஒட்டுமொத்த வணிகமும் பணமாகவோ, காசாகவோ கண்ணுக்குத் தெரியாத டிஜிட்டலுக்குள் போய் சிக்கியபின், ஒட்டுமொத்தமாக பணம் இல்லாமல் போனதாக அறிவிக்கப்பட்டாலும், அதை எப்படி எதிர்கொள்வது என்பதை நினைத்தாலே பீதியாகிறது.
விவரம் அறிந்தவர்களிடமே பல்லாயிரம் ரூபாயை எளிதாக ஏடிஎம் மூலம் சுருட்டிவிடுகிற திருடர்கள், கன்னக்கோல் வைக்காமல், கதவைப் பிளக்காமல் உட்கார்ந்த இடத்திலிருந்தபடி வங்கியிலிருப்பதாக நாம் நம்பிக்கொண்டிருக்கும் நம் பணத்தை அலேக்காக அபேஸ் செய்தாலும் நம்மால் செய்யக்கூடியது ஒன்றுமேயில்லை.
இவர் தான் பணத்தை எடுத்தார் என்று மும்பையோ, பூனேவோ, கொல்கத்தாவோ, எங்கிருந்தோ வந்த அழைப்புகளின் செல்பேசி எண்களைக் கொடுத்தாலும் யாருக்கு பணம் திரும்ப வந்திருக்கிறது.
ஓட்டு விசயத்திலும் இது தான். வாக்குச் சாவடியைக் கைப்பற்றுவதும், கள்ள ஓட்டு போடுவதும் எளிதில் முடிகிற காரியமில்லை. இன்றைய ஊடக உலகில் எளிதில் அகப்பட்டுவிடும். ஆனால், வாக்குப்பதிவு எந்திரங்கள் அப்படியில்லை. மிகவும் எளிமையாக மொள்ளமாரித்தனம் செய்து பாஜக போல வெற்றிபெற்றுவிடலாம்.
டிஜிட்டல் அறிவியல் வளர்ச்சியின் முழுமையடையாத இந்த ஆபத்தில் பல கோப்புகளை இழந்துவிட்டோம்... இன்னும் இழக்கப்போகிறோம் என்பது மட்டும் அச்சம் நிறைந்த ஒன்றாக மிரட்டுகிறது. அதை ஈடுகட்டுவதற்கான செலவும், மீட்டெடுப்பதற்கான செலவும் பெரும் தொகையாக மிரட்டுகிறது.
ஒய் பிளட்? சேம் பிளட்!

கருத்துகள்

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

ராசா வீடா? நவீன கோயபல்ஸ்களின் புளுகு அம்பலம்

”அய்யய்யோ... பாருங்கள்! இது தமிழ்நாட்டில் கட்டப்பட்டிருக்கும் ஆ.ராசாவின் வீடு... எவ்வளவு மோசமானவர்கள் பாருங்கள்!” என்ற தொனியில் மின்னஞ்சல் ஒன்று அனைவர் முகவரிக்கும் ஓலமிட்டு வருகிறது. நீங்களும் கூட அதனைப் பார்த்திருக்கக் கூடும். இதோ அந்த மின்னஞ்சலின் நகல்.

------------------------------------------------------------Spectrum Raja'sHouse ....in Tamil Nadu
...Hold YOUR breath.









செருப்பொன்று போட்டால் சிலை ஒன்று முளைக்கும்!

இன்றொரு வரலாற்றுக் குறிப்புநாள். 'பெரியார்' படத்தில் பெரியாரின் மீது செருப்பு வீசப்படும் காட்சி அனைவருக்கும் நினைவிருக்கும். திரையரங்கில் பெரும் கைதட்டல்களை அள்ளிய காட்சிகளில் அதுவும் ஒன்று. திரைப்படத்திற்கான கால சமரசம் உள்ளிட்ட பிற காரணங்களுக்காக அந்தக் காட்சியில் சில மாற்றங்கள் உண்டு. உண்மையில் நடந்த நிகழ்வு இன்னும் சுவாரஸ்யமானது.
ஆண்டு-1944: கடலூர் மாவட்டம் உள்ள மஞ்சக்குப்பம் பகுதியில் 'தென்னாற்காடு மாவட்ட திராவிடர் மாநாடு' நடைபெற்றது. கடும் மழையிலும் தந்தை பெரியார் எழுச்சியுரையாற்றுகிறார். கூட்டம் முடிந்து பெரியார், தொண்டர்கள் புடைசூழ கைவண்டி ரிக்சாவில் வைத்து திருப்பாதிரிப்புலியூர் தொடர்வண்டி நிலையத்திற்கு அழைத்துச் செல்லப்படுகிறார்.

பெரியாரும் தோழர்களும் கடிலம் நதி பாலத்தைக் கடக்கும்போது எங்கும் இருட்டு சூழ்ந்திருக்கிறது. அப்போது பெரியாரின் மீது பாப்பு வீசப்படுகிறது. தோழர்கள் பாம்பு, பாம்பு எனக் குரல்கொடுக்க, பின்னர் அது தண்ணீர் பாம்பு என்பதால் தொடர்ந்து பாலத்தைக் கடந்துவிட்டனர். சிறிது தூரம் சென்றபின், பெரியார் வண்டியைத் திருப்பச் சொல்லியிருக்கிறார். வந்த திசையில…