முதன்மை உள்ளடக்கத்திற்குச் செல்

சுருட்டப்படுகிறது சேலம் உருட்டாலை!

நட்டத்தில் இயங்குகிறதென்று சேலம் உருட்டாலை தனியாருக்குத் தாரை வார்க்கப்படுகிறது மோடி அரசால்!
இந்தியப் பணத்தையே ஏகபோகமாக தனியார்க் கும்பலுக்குத் தாரைவார்த்துவிட்டவரிடம் இதை எல்லாம் எதிர்பார்க்காமலா இருக்க முடியும்?
படம்- நன்றி: தி இந்து
பா.ஜ.க. அரசு தான் அரசுப் பங்குகளை விலக்குவதெற்கென்றே தனி அமைச்சகம் போட்டு வேலை பார்த்த அரசாயிற்றே!
எங்க ஊருல மேங்கோப்பு பிரிப்பது என்பதே தனித் தொழில்! பழைய வீடுகளை இடித்து, அதில் தேறக்கூடியதை விற்பது. அப்படித் தான் அரசின் நிறுவனங்களையெல்லாம் கூறுகட்டி விற்கத் தொடங்கினார்கள். மேங்கோப்பு பிரிக்கப்படும் வீடுகள் என்பவை, இனி பயன்படுத்த முடியாத நிலையிலிருப்பவை. வீட்டு உரிமையாளருக்கு அதன் இறுதி நிலையும் பயன்படும்.
ஆனால், இவர்கள் பேய் புகுந்த வீடு என்று பிராடு கிளப்பி, மொத்தமாக சல்லிசாக ஆட்டையைப் போடும் அயோக்கியக் கும்பலைச் சேர்ந்தவர்கள்.
பொருளாதாரத்தைத் தூக்கி நிறுத்தி, நாட்டை நெட்டுக் குத்தலாக்கப்போகும் இந்த பொருளாதாரப் புலிகளும், தனியாருக்கு எல்லாவற்றையும் விற்பதற்கு போட்டிபோடும் இந்த அரசுகளும், அடிப்படையான நம் கேள்விக்கு பதில் சொல்வதே இல்லை.
நட்டத்தில் இயங்குகிற நிறுவனத்தை, அரசுக்கு உதவும் நோக்கிலா தனியார் வாங்கப் போகிறார்கள். இல்லை, நிச்சயம் அதில் லாபம் பார்க்க முடியும் என்பது அவர்களுக்கு நன்கு தெரியும். நட்டத்தில் இயங்குவதாக அரசே கணக்குக் காட்டுவதும், நிர்வாகக் கோளாறுகளை வளர்த்துவிடுவதும், நிறுவனத்தின் திறனைக் குறைப்பதும், அதைத் தனியாருக்குத் தாரை வார்ப்பதற்கான காரணங்களைக் கொடுக்கும் என்பது தான் அதன் பின்னுள்ள ரகசியம்.
தனியாரால் லாபத்தில் நடத்த முடியும் என்றால், அரசின் கையாலாகத் தனம் தானே அதனை அரசு சாதிக்க முடியாமல் தடுக்கிறது.
ரயில்வே துறை நட்டத்தில் இயங்குகிறது என்றே தான் காலம்காலமாக சொல்லிவந்தார்கள். ஆனால், அவாள்களால் திறமையற்றவர் என்று கேலி செய்யப்பட்டுவந்த லாலு பிரசாத் இரயில்வே அமைச்சரானதும், கோடி கோடியாக லாபம் காட்டினார். அப்போது கோமாதாவின் பின்புறத்தில் கொண்டுபோய் முகத்தை வைத்துக் கொண்டார்கள் அரசு நிறுவனங்களைக் குறி வைத்தோர்.
அடுக்கடுக்காக அரசு நிறுவனங்கள் தனியாருக்கு வாரிக் கொடுக்கப்படுகின்றன. தொழிலாளர் நலன், சமூகநீதி, நாட்டின் பொருளாதாரம், உள்ளூர் வளம் அத்தனையும் பறிக்கப்படுகிறது என்று பொருள் அதற்கு!
முதல் போதவில்லை என்பதற்காக பங்குகளை விற்பதென்றால், அங்கு பணியாற்றும் தொழிலாளர்களுக்கே பங்குகளை, போனசாகவோ, உரிய விலைக்கோ கொடுக்கலாம். தொழிலாளிகள் பங்காளிகளாகி, தங்களின் நிறுவனம் என்னும் கூடுதல் அக்கறையோடு உழைப்பார்களே என்று முன்பே திராவிடர் கழகத் தலைவர் கி,வீரமணி அரசுக்கு அறிவுறுத்தியிருக்கிறார். நடக்குமா?
அரசுகளின் நோக்கம் நிறுவனங்களைக் காப்பதா? தங்களைப் பதவியில் உட்கார வைத்திருக்கும் முதலாளிகளுக்குச் சேவகம் செய்வதாயிற்றே!
நட்டத்தில் இயங்கும் நிறுவனங்களுக்கு இப்படிக் காரணம் சொன்னவர்கள். முன்பு லாபத்த்தில் இயங்கிக் கொண்டிருந்த அரசு நிறுவனங்களை விற்ற போது என்ன சொன்னார்கள் தெரியுமா?
'லாபத்தில் செயல்படும் நிறுவனத்தை வாங்காமல் நட்டத்தில் செயல்படும் நிறுவனத்தையா முதலாளிகள் வாங்குவார்கள்?' வக்கனை வலித்தார்கள்.
'கூறு ரெண்டு ரூபாய்' என்று பங்குபோட்டு விற்றுக் கொண்டிருக்கிறார்கள் நாட்டை! சே...சே.. மோடி இந்த நாட்டை முன்னேற்றிக் கொண்டிருக்கிறார் என்கிறான் மடக் குடிமகன், உருவப்பட்ட தன் டவுசரை மறந்தபடி!

கருத்துகள்

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

ஜெயா தொலைக்காட்சிக்கு என் இரங்கல்!

ஜெயா தொலைக்காட்சியில் மூடிக் கிடக்கும் போயஸ் தோட்டத்தின் கதவுகளைக் காட்டியபடி, முதலமைச்சரின் மறைவுச் செய்தி ஒளிபரப்பப்பட்டு வருகிறது. ஆம்... ஜெயா தொலைக்காட்சிக்கு இப்போது மட்டுமல்ல, எப்போதும் அவர் தான் முதலமைச்சர்.


அது காலம் முழுக்க ஜெயலலிதா அம்மையாரின் சிறப்புகளைச் சொல்வதற்காகவே உருவாக்கப்பட்டு செயல்பட்டு வரும் தொலைக்காட்சி. தேர்தல் தோல்வி என்றால் கூட அடுத்த சில நிமிடங்களில் தேர்தல் செய்திகள் கூட அதில் வராது. முதலமைச்சர் பதவி இல்லையென்றாலும் அதற்கு ஜெயலலிதா தான் முதல்வர். "மக்கள் முதல்வர்" என்ற பெயரை உருவாக்கிக் கொடுத்ததும் அதுதான்.

ஜெயலலிதா மீண்டும் ஜெயித்த போது இரட்டிப்பு போனசெல்லாம் வழங்கி மகிழ்ந்திருக்கிறார். பணியாற்றிய அனைவருக்கும், பதவி வேறுபாடற்று ஒரு லட்சம் ரூபாய் போனஸ் வழங்கியெல்லாம் கூட கொண்டாடியிருப்பதாகக் கேள்விப்பட்டிருக்கிறேன்.

அதிமுக என்ற கட்சியினுடையது என்றெல்லாம் அந்தத் தொலைக்காட்சியைச் சொல்ல முடியுமா என்று தெரியவில்லை. பிற கட்சி ஊடகங்களைப் போல, அதன் இரண்டாம் கட்ட, வருங்காலத் தலைவர்களுக்கெல்லாம் முக்கியத்துவம் தராதது. அது முற்றும் முழுதாக ஜெயலலிதா அவர்களின…

ராகு காலம் பார்த்தாரா வீரமணி?

இணைய தளத்தில் அவதூறாகப் பேசியதாக தொடரப்பட்ட சின்மயி விவகாரம் குறித்து புத்தகம் எழுதிய விமலாதித்த மாமல்லன் என்பவர், தனது வலைத்தளத்தில் திராவிடர் கழகத் தலைவர் கி.வீரமணி அவர்கள் குறித்து அவதூறு பரப்பியுள்ளார். அதைச் சில அறிவிலிகளும் பரப்பிக் கொண்டிருக்கின்றன.
//பெரியவர், தம் வீட்டுப் பிள்ளையின் திருமணத்துக்குப் பெண் தேடிக்கொண்டிருக்கும் சமயத்தில், தி.க. வீரமணி அவர்களின் பேத்தி திருமணத்துக்கு இருப்பதாகத் தெரிய வரவே அவருடன் தொடர்புகொண்டிருக்கிறார். இருவரும் பலவருடங்களாய் ஒருவருக்கொருவர் நன்கு தெரிந்தவர்கள் என்பதால் மகிழ்வுடன் அளவளாவத் தொடங்கிவிட்டனர். பெண்பார்க்க வரும் நாளையும் முடிவுசெய்துகொண்டனர். அன்று மாலை ஒரு நான்கரை மணி வாக்கில் வருகிறோம் என்று கூறியிருக்கிறார் பெரியவர். நாலரை வேண்டாம் அன்றைய தினம் நாலரை ஆறு ராவுகாலம் எனவே அதற்கு அப்புறமாக வாருங்கள் என்றிருக்கிறார் திரு. தி.க.வீரமணி.//
யார் இந்தத் தகவலை திரு.விமலாதித்த மாமல்லன் அவர்களுக்குச் சொன்னவர்? அந்தப் பெரியவரேவா? இல்லை. அந்த சோ கால்ட் பெரியவரின் உறவினராம். அவர் என்ன வகை உறவினர்; எத்தனை விட்ட உறவினர் என்பதெல்லாம் தெரியவில்லை.
ச…