முதன்மை உள்ளடக்கத்திற்குச் செல்

ஆயிற்று பத்தாண்டுகள் அருமைத் தோழர்களே!

(அழகப்பா அரசு கலைக் கல்லூரி - இளம் வணிகவியல் 1999-2002 (B.Com 99-02) மாணவ நாட்களின் நினைவாக...)

ஆயிற்று பத்தாண்டுகள்
அருமைத் தோழர்களே!

நம்ப முடிகிறதா
நம்மால்?
2002
ஏப்ரல் 25!

கடைசி நாள்
மாணவர்களாய்
கண்கலங்க
விடைபெற்று
ஆயிற்று பத்தாண்டுகள்!


கல்லூரி கலங்க
ஆடி மகிழ்ந்த நாட்கள்
அடங்கி
ஆயிற்று பத்தாண்டுகள்!

அடிதடி...
கும்மாளம்...
ஆர்ப்பாட்டம்...
அந்யோந்நியம்...
அத்தனையும் முடிந்ததாய்
மனம் நொறுங்கி
ஆயிற்று பத்தாண்டுகள்!


பவநகர் ஸ்டேடியம்...
அழகப்பர் நினைவிடம்...
அஞ்சல் நிலையம்...
வாசல் பெட்டிக் கடை...
தைல மரங்கள்...
சைக்கிள் ஸ்டாண்ட்...
ஸ்டோர் நோட்புக்கு...
நூலகத்தின் பின்னோடும்
ரயில்வே சிக்குபுக்கு...
கேண்டீன் கணக்கு...
ஆங்காங்கே மரத்தடியில்
’கடலை’ ஆமணக்கு!
மர பெஞ்ச் ஓவியம்...
கரும்பலகைக் கவிதை...
அன்பு, நட்பு, காதலென்று
அவரவர் நினைப்புக்கேற்ப
அழியாத
ஒரு விதை!

டுர்டுர் வண்டியில
ரெண்டு வருசம் டூரு!
மலை மலையாய் ஏறி,
கடல் கடலா குளிச்சு,
அருவி அருவியா நனைஞ்சு,
விடிய விடிய முழிச்சு
சீட் இல்லாட்டி
சூட்கேஸு...
அதுவும் இல்லைன்னா
தரையிருக்கு
விடுங்க பாஸு!
உலகம் சுற்றிய
வாலிபர்களாய்
இரு
மூன்று நாட்களில்
நாடளந்தோம்!

என்.எஸ்.எஸ். பாலுத்தம்பி...
ஆஞ்சநேயரின் ‘(வெளிய) பெய்டு தம்பி’...
டி.எஸ்.பி.யின் பிஸினஸ் ஸ்டாட்...
மதியின் என்பீல்டு புல்லட்...
ராதாகிருஷ்ணன் கிளாஸ்...
ராஜா முகமது போஸ்...
அழகர்சாமி...
சின்னையா...
அடுத்தடுத்து கிளாஸுய்யா!

குட்டை காமராஜராய்
நிர்மலானந்தன்...
கொசு கவிராயர்...
கிளார்க் கான்...
நேபாளி பியூன்...
கணபதி இங்கிலீசு...
தமிழுக்கு
மீசை முருகேசு!

எல்.எஸ்
விட்டுக் கொடுத்து
யு.எஸ்.,
யு.சி.!
தேர்தல் சண்டை
பி.காம்-க்குள்ளேயே
கோர்ட்டு
கேசு!

எடுத்துச் சொல்ல
ஒன்றா...
இரண்டா...
மூன்று ஆண்டுகளில்
முழுதாய் வாழ்ந்தோம்!
பழையவற்றை
பழகியவற்றை
எங்கே
மறந்தோம்?

ஆயிற்று பத்தாண்டுகள்
அருமைத் தோழர்களே!

பத்தாண்டு என்ன?
பத்துப் பத்தாய்
நூறாண்டு கடந்தாலும்
நெஞ்சில் இது
பசு மரத்து ஆணி!
நினைவு நதியில்
பயணிக்கும் தோணி!
-------------------------------------------------------------------------
* எல்.எஸ் - Ladies Secretary; யு.எஸ் - Union Secretary; யு.சி - Union Chairman

பி.கு: 2012 ஏப்ரல் 25-ல் எழுதி கல்லூரி நண்பர்களுக்கு மின்னஞ்சல் வழி அனுப்பிவிட்டேன். அன்று இரவு 1:30 மணிக்கும் முழுதாக படிக்கச் சொல்லிக் கேட்டு மகிழ்ந்த நண்பன் விஜய்க்கும், பெற்ற மின்னஞ்சலுக்கும், குறுந்தகவலுக்கும் பதில் தந்த  நண்பன் சண்முகநாதன் உள்ளிட்ட சொற்ப நண்பர்களுக்கும் நன்றி!

வலைப்பதிவில் நமக்கு இது 200-ஆவது பதிவு என்று எண்ணிக்கை காட்டியபோது, சரி கொஞ்சம் (என்) நினைவில் நிற்கும்படி பதிவு போட வேண்டும் என்று தான் இந்தப் பதிவு! சம்பிரதாயப்படி போடவேண்டிய 200 தொட்டதற்கான இணையத்தில் கடந்து வந்த காட்டாறுகள் தொடர்பான (!) சுயசொறிதல் அல்லது சுய(காரணப்)புராணப் பதிவு 250-ஆவது பதிவாக...!

கருத்துகள்

ஆரோணன் இவ்வாறு கூறியுள்ளார்…

இந்த வலைப்பதிவில் உள்ள பிரபலமான இடுகைகள்

மாட்டு கறி குழம்பு செய்வது எப்படி?

தேவையானவை:

பசு மாட்டு கறி ………………………1 /2 கிலோ
பெல்லாரி வெங்காயம்…………..4
பச்சை மிளகாய்……………………..4
தக்காளி……………………………….4
சிவப்பு மிளகாய்…………………….10
மல்லி …………………………………25 கிராம்/கைப்பிடி
மஞ்சள் பொடி…………………...…..கொஞ்சம்
மிளகு ………………………………....1 தேக்கரண்டி
சீரகம்……………………………..……1 தேக்கரண்டி
சோம்பு………………………….…..…1 /2 தேக்கரண்டி
கசகசா………………………….…..…1 தேக்கரண்டி
இஞ்சி…………………………….……1 இன்ச் நீளம்
பூண்டு…………………………………10 பல்
தேங்காய்…………………………… 1 /2 மூடி
ஏலம்……………………………………1
பட்டை…………………………………சிறு துண்டு
கிராம்பு…………………………………5
எண்ணெய்……………………………3 தேக்கரண்டி
கறிவேப்பிலை………………………1 கொத்து
உப்பு ……………………………………தேவையான அளவு

கறியை நன்கு சுத்தமாக கழுவிக் கொள்ளவும். சிவப்பு மிளகாய், மல்லி, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து நைசாக அரைத்துக் கொள்ளவும். தேங்காயை வறுத்து அரைத்துக் கொள்ளவும். இஞ்சியைத் தட்டி வைக்கவும். பூண்டை இரண்டாக நறுக்கவும். பெல்லாரியை நைசாக நறுக்கிக் கொள்ளவும். வேண்டுமா னால்,சின்ன வெங்காயமும் போட்டுக் கொள்ள லாம். பச்சை மிளகாயை இரண்டாகக் கீறிக் கொள்ளவும். தக்காளியை 8 ஆக…

ராசா வீடா? நவீன கோயபல்ஸ்களின் புளுகு அம்பலம்

”அய்யய்யோ... பாருங்கள்! இது தமிழ்நாட்டில் கட்டப்பட்டிருக்கும் ஆ.ராசாவின் வீடு... எவ்வளவு மோசமானவர்கள் பாருங்கள்!” என்ற தொனியில் மின்னஞ்சல் ஒன்று அனைவர் முகவரிக்கும் ஓலமிட்டு வருகிறது. நீங்களும் கூட அதனைப் பார்த்திருக்கக் கூடும். இதோ அந்த மின்னஞ்சலின் நகல்.

------------------------------------------------------------Spectrum Raja'sHouse ....in Tamil Nadu
...Hold YOUR breath.









செருப்பொன்று போட்டால் சிலை ஒன்று முளைக்கும்!

இன்றொரு வரலாற்றுக் குறிப்புநாள். 'பெரியார்' படத்தில் பெரியாரின் மீது செருப்பு வீசப்படும் காட்சி அனைவருக்கும் நினைவிருக்கும். திரையரங்கில் பெரும் கைதட்டல்களை அள்ளிய காட்சிகளில் அதுவும் ஒன்று. திரைப்படத்திற்கான கால சமரசம் உள்ளிட்ட பிற காரணங்களுக்காக அந்தக் காட்சியில் சில மாற்றங்கள் உண்டு. உண்மையில் நடந்த நிகழ்வு இன்னும் சுவாரஸ்யமானது.
ஆண்டு-1944: கடலூர் மாவட்டம் உள்ள மஞ்சக்குப்பம் பகுதியில் 'தென்னாற்காடு மாவட்ட திராவிடர் மாநாடு' நடைபெற்றது. கடும் மழையிலும் தந்தை பெரியார் எழுச்சியுரையாற்றுகிறார். கூட்டம் முடிந்து பெரியார், தொண்டர்கள் புடைசூழ கைவண்டி ரிக்சாவில் வைத்து திருப்பாதிரிப்புலியூர் தொடர்வண்டி நிலையத்திற்கு அழைத்துச் செல்லப்படுகிறார்.

பெரியாரும் தோழர்களும் கடிலம் நதி பாலத்தைக் கடக்கும்போது எங்கும் இருட்டு சூழ்ந்திருக்கிறது. அப்போது பெரியாரின் மீது பாப்பு வீசப்படுகிறது. தோழர்கள் பாம்பு, பாம்பு எனக் குரல்கொடுக்க, பின்னர் அது தண்ணீர் பாம்பு என்பதால் தொடர்ந்து பாலத்தைக் கடந்துவிட்டனர். சிறிது தூரம் சென்றபின், பெரியார் வண்டியைத் திருப்பச் சொல்லியிருக்கிறார். வந்த திசையில…