நேற்று நான் விரும்பியபடி, கலைஞரின் சட்டமன்றப் பொன்விழா என்னும் எழில்வாய்ந்த விழாவுக்குப் போயிருந்தேன். தமிழ்நாட்டுக்கு இந்தியாவைக் கொண்டுவந்ததுபோல், வடபுலத்துத் தலைவர்களெல்லாம், தந்தை பெரியாரின், அறிஞர் அண்ணாவின் வழித்தோறலாக வந்திருக்கும் கலைஞரின் அரிய பணிகளையும் சாதனைகளையும் பாராட்டி மகிழ்ந்தார்கள். 
"நாங்கள் வழக்காமாக பாராட்டுபவர்கள, ஆதலால், எங்கள் தங்கத் தலைவரை இன்று மற்ற வடபுலத்துத் தலலவர்கள் பாராட்டுவதை பெரு மகிழ்வோடு கேட்கத்தான் இங்கே வந்திருக்கிறோம்" என்றார் தமிழர் தலைவர் அய்யா வீரமணி அவர்கள்.விழாத் துளிகள்:
* மேடையில் முதல் தலைவராக தாய் வீட்டிலிருந்து வந்திருந்தார் அய்யா வீரமணி அவர்கள். பின்னர் ஒவ்வொரு தலைவர்களாக வந்தார்கள்.* சமூக நீதிக் காவலர் வி.பி.சிங் அவர்கல் உடல் நலக் கோளாறு காரணமாக வர இயலாமல் வாழ்த்துக் கடிதம் அனுப்பி இருந்தார்கள்.
* ராம் விலாஸ் பாஸ்வான் கூறும்போது, "முதல் முறை திரு.வீரமணி அவர்களுடன் சென்றுதான் நான் கலைஞரைப் பார்த்தேன்" என்று பழைய நிகழ்வை நினனவு கூர்ந்தார்.
* மத்திய அமைச்சர் லாலு பிரசாத் எழுந்து பேச வரும்போது அரங்கம் அதிர கைதட்டல், வரவேற்பு!
* வழக்கமாக வரும் வடபுலத்துத் தலைவர்கள் 'நன்ரி', 'வன்கம்' என்று தமிழில் பேசி கைதட்டு பெறுவார்கள். ஆனால் கம்யூனிஸ்ட் கட்சி பொதுச் செயலாளர் பிரகாஷ் கரத், "எனக்குத் தமிழ் பேசத் தெரியும். ஆனால் கலைஞர் முன்னிலையில் தமிழ் பேச பயமாக இருக்கிறது, அதனால் நான் இங்கிலீஷில் பேசுகிறேன்" என்று சொல்லிவிட்டு, பேசத் தொடங்கினார். (தமிழ் பேசக்காரணம், அவரின் பள்ளி, கல்லூரிப் படிப்பு 1957-1967 சென்னையில் அமைந்தது.)* விழாவில், தயாநிதிமாறன் கலந்துகொள்லவில்லை என்பது பழைய செய்தி. அதேநேரம் மு.க.அழகிரி, அரங்கத்துக்குள் நுழைந்து வி.வி.அய்.பி. இடத்தில் அமர்ந்தபோது அத்தனை பத்திரிகைக் கண்களும் அதைநோக்கித் திரும்பி சிமிட்டின.
*விழாவையொட்டி சென்னையெங்கும் தோரணங்களும், கொடிகளும், பேச்சு, பாடல் ஒளிபரப்புகளும் என்று கொண்டாடிவிட்டார்கள். அதேசமயம் தமிழகமெங்கும் இருந்து திரண்டிருந்த தொண்டர்களில் தீவுத்திடலில் இருந்ததைப் போல மூன்றூ பங்குப்பேர் வெளியில் திரண்டிருந்தார்கள். இன்னும் அந்தப் பகுதிக்குள் நுழைய முடியாமலும்கூட பல ஊரிலிருந்து வந்த தொண்டர்கல் திண்டாடினார்கள்.
"எனக்குப் பரிசு வேண்டும்" - கலைஞர்
"நான் மறுத்தும் கூட எனக்கு விழா ஏற்பாடு செய்தார்கள். என்னை வாழ்த்துவதற்கு பல்வேறு பணிகளுக்கிடையிலும், உ.பி. தோல்விக்கிடையிலும் கூட வந்திருக்கிறீர்கள்! (சோனியாவும், மன்மோகன் சிங்-கும்)
ஆனால் இவற்றையெல்லாம் தாண்டி, எனக்காக நான் கேட்கும் பரிசுகள் சில உண்டு" என்று பட்டியலிட்டார்.
1. காவிரிப் பிரச்சினை
2. மகளிர் இட ஒதுக்கீடு
3. சிறுபான்மையோர் இடஒதுக்கீடு
4. 27% இடஒதுக்கீடு
கலைஞருக்கு அந்தப் பரிசுகள் கிடைக்க வாழ்த்தும் நெஞ்சங்களோடு நாமும் இணைகிறோம்.
வாழ்க கலைஞர்!
வாழ்க கலைஞர்!!
தொடர்க அவர் பணி!!!
(வலைப்பூக்களை நுகர்ந்து நாட்களாகிப் போனது. பெரியார் படத்தின் வெளியீடு மற்றும் விளம்பரப் பணிகளில் நானும் பங்கேற்ற காரணத்தால் கடந்த 10 தினக்களுக்கும் மேலாக வேறு பணிகளில் ஈடுபடமுடியாத அளவுக்கு என் சூழல் இருந்தது. விட்டுப்போன பதிவுகள் தொடர்ந்து வரும். )
கருத்துகள்