விடுதலையை நோக்கி எழும்பும் இசை

தமிழீழ விடுதலையை எதிர்நோக்கும் புதிய தலைமுறை இளைஞர்களின் படைப்பு. பாப் இசை வடிவத்தில்.....
சுஜித்.ஜி, பாடல் வரியில், அவரும், சந்தோஷும் இணைந்து பாடி திரயிலும் தோன்றி
வந்திருக்கிறது இப்பாடல்..

"நோவும் வரும் சாவும் வரும்
ஏதோ ஒரு நாள் விடிவும் வரும்;
கொஞ்சம் பொறு; ஓய்ந்தே இரு
நாளைய நாளில் வரமாய் வரும்."

வலிகளைச் சுமந்து வரும் வரிகளில் விடிவுக்கான ஏக்கமும் தெரிகிறது.
உலகெங்கும் இசை வடிவில் தங்கள் அடிமை சமூகத்தை விடிவுக்கான பாதையில் அழைத்துச் சென்ற இசை மேதைகள் இருந்திருக்கிறார்கள். கருப்பின பாடகர் மைக்கேல் ஜாக்சன் கூட தனது பாடல் வரிகளில் விடுதலைக் குரல்களையும், கருப்பின அடிமைத் தனத்திற்கு எதிரான குரலையும் பதிவு செய்திருக்கிறார் என்று படித்திருக்கிறேன்.
நமது தமிழகத்தில் தான் சமூக விடுதலைக்கும், தங்களுக்கும் சற்றும் தொடர்பில்லாதது போல் நடந்து கொள்ளும் இசை மேதைகளும், மக்களுக்காக பாடுவது வீணானது என்று பேசும் இசைஞானிகளும் இருக்கிறார்கள்.

புரட்சிப்பாடகர் கத்தாரைவிட, இவர்களால் சமூகத்திற்கு ஒன்றும் பயனில்லை. அப்படி எண்ணாமல், தங்கள் இசைத் திறனை விடுதலையை முன்னிறுத்தி வெளிப்படுத்தியிருக்கும் இவ்விளைஞர்கள் பாராட்டுக்கும், போற்றுதலுக்கும் உரியவர்கள்.

http://www.youtube.com/watch?v=DVe_zAEQYQc


(வலைப்பதிவில் நேரடியாக 'youtube' தந்த குறிகளை இடமுடியவில்லை.
எனவே இந்த சுட்டியைப் பயன்படுத்திக்கங்கப்பா!)